မြောက်ကိုရီးယားသမ္မတကင်ဂျုံအီက ၎င်း၏ အရိုက်အရာကို ဆက်ခံမည့်သူကို ရွေးချယ်

မြောက်ကိုရီးယားသမ္မတ ကင်ဂျုံအီက ပြည်ပရှိ မြောက်ကိုရီးယား သံရုံးများသို့ သူ၏ အငယ်ဆုံးသား ဖြစ်သူအား သစ္စာစောင့်သိကြရန် အသိပေးပြောဆိုလိုက်သဖြင့် ကွန်မြူနစ်နိုင်ငံတစ်ခု ဖြစ်သည့် မြောက်ကိုရီးယားအတွက် ၎င်း၏ အရိုက်အရာကို ဆက်ခံမည့်သူကို ရွေးချယ်ပြီး ဖြစ်ကြောင်း အချက်ပြလိုက်သလို ဖြစ်သည်ဟု တောင်ကိုရီးယားနိုင်ငံထုတ် သတင်းစာ တစ်စောင်တွင် အင်္ဂါနေ့က ဖော်ပြပါရှိသည်။
အသက် ၆၇ အရွယ်ရှိ သမ္မတကင်ဂျုံအီသည် ပြီးခဲ့သည့်နှစ် သြဂုတ်လအတွင်းက လေဖြတ်ဝေဒနာ ခံစားခဲ့ရသည်ဟု ကောလဟလ သတင်းများ ပျံ့နှံ့နေခဲ့သည်။

ယခင်သတင်းပတ်များအတွင်း မြောက်ကိုရီးယား၏ နယူကလီးယား စမ်းသပ်ပစ်ခတ်ခဲ့မှုနှင့် အခြား စစ်ရေးပြင်ဆင်မှုများမှာ သမ္မတ ကင်ဂျုံအီက အင်အားပြခြင်း သက်သက်ဖြစ်ပြီး ၎င်း၏ အရိုက်အရာ ဆက်ခံမည့်သူကို ရွေးချယ်ရန် ရည်ရွယ်ရင်းသာ ဖြစ်သည်ဟု လေ့လာစောင့်ကြည့်သူ အချို့က သုံးသပ်ကြသည်။
မြောက်ကိုရီးယားနိုင်ငံသည် ပြည်ပရှိ ၎င်း၏ သံရုံးများသို့ အီးမေးလ်များ အသီးသီးပေးပို့ခဲ့ပြီး ၎င်းတို့အား သမ္မတကင်ဂျုံအီ၏ အငယ်ဆုံးသားဖြစ်သူ
ကင်ဂျုံအန် (Kim Jong Un) အပေါ် သစ္စာခံကြရန် ရေးသားထားသည်ဟု ခိုင်လုံသည့် သတင်းရင်းမြစ်တစ်ခုမှ သိရသည်ဟူ၍ တောင်ကိုရီးယားနိုင်ငံထုတ် Dong-A Ilbo သတင်းစာတွင် ဖော်ပြထားသည်။ထို့အပြင် လေ့လာစောင့်ကြည့်သူများက အဆိုပါ အရိုက်အရာဆက်ခံမှုသည် လျှို့လျှို့ဝှက်ဝှက် လုပ်ဆောင်တတ်သည့် မြောက်ကိုရီးယားအတွက် ထိပ်တန်းလျှို့ဝှက်ချက် တစ်ခုဖြစ်ပြီး သမ္မတကင်ဂျုံအီနှင့် နီးစပ်သည့်သူများကိုသာ အသိပေးထားသည်ဟု သုံးသပ်ကြသည်။ထိုမျှမက မြောက်ကိုရီးယား ထိပ်တန်းအရာရှိများကိုလည်း ဖခင်မှ သားသို့ မျိုးဆက် ၃ ဆက်အထိ အရိုက်အရာ ခံယူခွင့် ရှိစေနိုင်မှုအပေါ် လက်ခံ နားလည်မှု ရှိလာစေရန် သင်ကြားပေးနေသည်ဟု အခြား သတင်းရင်းမြစ်တစ်ခုမှ သိရကြောင်းနှင့် ထိုသို့ ပြုလုပ်နေမှုများသည် ကင်ဂျုံအန်အား အရိုက်အရာဆက်ခံမည့်သူ အဖြစ် ရွေးချယ်လိုက်ခြင်းကို ညွှန်ပြနေကြောင်း ထိုသတင်းစာတွင် ဆက်လက် ဖော်ပြထားသည်။မြောက်ကိုရီးယားကို တည်ထောင်ခဲ့သည့် ဖခင်ဖြစ်သူ ကင်အီဆွန်း (Kim Il Sung) က သားဖြစ်သူ ကင်ဂျုံအီအား အရိုက်အရာကို ဆက်ခံရန် နှစ်ပေါင်းများစွာကြာအောင် ပျိုးထောင်ပေးထားခဲ့သည်။ ကင်ဂျုံအီတွင် သား ၃ ဦး ရှိပြီး မြောက်ကိုရီးယားနိုင်ငံသား အများစုမှာ ၎င်းတို့အား မသိကြပေ။ကင်ဂျုံအီ၏ အရိုက်အရာကို ဆက်ခံမည့် ကင်ဂျုံအန်ကို ၁၉၈၃ ခုနှစ် သို့မဟုတ် ၁၉၈၄ နှစ်ဦးပိုင်းတွင် မွေးဖွားခဲ့ပြီး ၎င်းသည် ဆွစ်ဇာလန်နိုင်ငံတွင် ပညာသင်ကြားခဲ့ကာ ကင်ဂျုံအီ၏ သား ၃ ယောက်အနက် အရည်အချင်းအရှိဆုံး ဖြစ်သည်ဟု သိရသည်။