တိုက်ပွဲကြောင့် ပျက်စီးခဲ့သည့် ရာဘာပင်များ အသစ်စိုက်ပျိုးရန် ခက်ခဲနေ

မေလ ၃၁ရက်။ စောသိန်းမြင့် (ကေအိုင်စီ)

မီးလောင်ခံလိုက်ရသည့် ရာဘာခင်းတနေရာ (ဓါတ်ပုံ - KHRG)


ကရင်ပြည်နယ် ၀င်းရေးမြို့နယ်တွင် နအဖနှင့် ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ်အေ)တို့အကြား တိုက်ပွဲဖြစ်ပွားမှုကြောင့် ပျက်စီးသွားခဲ့သည့် ရာဘာပင်များကို လက်ရှိအချိန်တွင် အသစ် ပြန်လည်စိုက်ပျိုးရန် အခက်အခဲ ကြုံနေရ သည်ဟု သိရသည်။

ပြီးခဲ့သည့် ဧပြီလ ၂၃ရက်နေ့က အနန်းကွင်းကျေးရွာအခြေစိုက် နအဖစစ်တပ် စကခ(၈)လက်အောက်ခံ စစ်ဗျူဟာအမှတ်(၁)မှ ခမရ (၄၀၁)နှင့် ကေအဲန်အဲလ်အေ တပ်ရင်း(၁၆)တို့ကြား (ဖားရ)ကျေးရွာရှိ ရာဘာခြံတစ်ခြံအတွင်း တိုက်ပွဲဖြစ်ပွားခဲ့ရာ လက်နက် ကြီးများဖြင့် အပြန်အလှန် ပစ်ခတ်မှုကြောင့် ရာဘာပင် ၃,၀၀၀ကျော် မီးလောင်ပျက်စီးသွားခဲ့ရသည်ဟု သိရသည်။

အဆိုပါ မီးလောင်ပျက်စီးသွားသော ရာဘာပင်များကို ပြန်လည်စိုက်ပျိုးရန်အတွက် အနည်းဆုံး လေးငါးနှစ်ခန့် အပင်ငယ်များ ပြန် လည်ပြုစုပျိုးထောင်ပေးရခြင်း၊ ရင်းနှီးမြှုပ်နှံမှုနှင့် ငွေကြေးပြဿနာများကြောင့် အခက်အခဲကြုံရခြင်းဖြစ်ကြောင်း ဒေသခံတဦးက ယခုလို ပြောသည်။

၎င်းက “ရာဘာခြံတစ်ခြံ စိုက်ဖို့ဆိုတာ အနည်းဆုံး ၄-၅နှစ်လောက် အချိန်ယူရတယ်။ အခု မီးလောင်ခံရတဲ့ ရာဘာပင်တွေဟာ နည်းနည်းအရွယ်ရောက်နေတဲ့ အပင်တွေဖြစ်ကြပါတယ်။ ဆုံးရှုံးသွားတဲ့ အပင်တွေကို ဘတ်ငွေနဲ့ တွက်မယ်ဆိုရင် ၁၀သိန်း လောက် ရှိမယ်။ ပြန်လည်စိုက်ပျိုးဖို့ အကြီးမားဆုံး အခက်အခဲက ရင်းနှီးမြှုပ်နှံမှုနဲ့ ငွေကြေးပြဿနာပါပဲ”ဟု ပြောသည်။

အဆိုပါပစ်ခတ်မှုကြောင့် ရာဘာပင် မြောက်များစွာ မီးလောင်ကျွမ်းသွားခဲ့သည့်အပြင် ရာဘာခြံရှိ တဲများကိုလည်း နအဖက အကုန် မီးရှို့ဖျက်ဆီးခဲ့သည်ဟု သိရသည်။

ထိုပျက်စီးဆုံးရှုံးသွားသော ရာဘာပင်များအစား ပြန်လည်စိုက်ပျိုးရန်အတွက် ပိုင်ရှင်များက ပြန်လည်ရှင်းလင်းမှုများ လုပ်ဆောင်နေ ပြီဖြစ်ကြောင်း ကေအဲန်အယ်လ်အေ တပ်ရင်း(၁၆)မှ အရာခံဗိုလ် စောကလူထူးက ယခုလို ပြောသည်။

“လောလောဆယ် ပျက်စီးသွားခဲ့တဲ့ ရာဘာပင်တွေကို ပိုင်ရှင်က ခုတ်ထွင်ရှင်းလင်းတာတွေ လုပ်ဆောင်နေပါတယ်။ ကျနော်တို့ ဘက်ကလည်း ကူညီပံ့ပိုးမှု တစုံတရာ ဘာမှ မလုပ်ပေးနိုင်ဘူး ဖြစ်နေတယ်”ဟု သူက ပြောသည်။

ကရင်ပြည်နယ်တွင် ဖားအံ၊ လှိုင်းဘွဲနှင့် ကော့ကရိတ် စသည့်မြို့နယ်များအတွင်း ရာဘာစိုက်ပျိုးရေးကို လုပ်ကိုင်နေကြသလို ၀င်း ရေး(ကြာအင်းဆိပ်ကြီးမြို့နယ်)၌လည်း ရာဘာခြံ စုစုပေါင်း (၁)သိန်းနီးပါး စိုက်ပျိုးကြသည်ဟု ဒေသခံများ၏ ပြောပြချက်အရ သိရ သည်။

ဖတ်ပြီးပြန်ခေါက်သိမ်းပေးခဲ့ပါ...

အီတူးထာ ဒုက္ခသည်စခန်းအတွက် အကူအညီများ လိုအပ်

ရဲရင့် / ၂၄ မေ ၂၀၁၀



ကရင်ပြည်နယ်ဖာပွန်မြို့နယ်ရှိ အီတူးထာ ပြည်တွင်းဒုက္ခသည်စခန်းတွင် ခိုလှုံနေသည့် ကရင်စစ်ပြေးဒုက္ခသည် (၄,၅၀၀) ခန့်မှာ ဆန်နှင့်ဆား နှစ်မျိုးသာရရှိသဖြင့် ပြည်ပအလှူရှင်များ၏ အကူအညီများ လိုအပ်နေသည်ဟု စခန်း၏လူမှုရေးတာဝန်ခံက ပြောသည်။

စခန်း၏လူမှုရေးတာဝန်ခံ စောအောင်မင်းက “ကျနော်တို့စခန်းမှာ ကလေးငယ်နဲ့ ကျောင်းနေလို့ရတဲ့အရွယ်တွေက (၂,၀၀၀) ကျော်ရှိတယ်၊ အများစု ကလေးတွေဖြစ်တယ်။ စခန်းမှာဝေတာက ဆန်နဲ့ဆားနှစ်မျိုးပဲရတော့ ကလေးတွေအတွက် အတော်အခက်အခဲတွေရှိတယ်။ ဒါကြောင့် အားလုံးအတွက် စားကုန်သောက်ကုန်တွေနဲ့ အခြားလိုအပ်တာတွေကို အကူအညီပေးစေချင်တယ်။ အထူးသဖြင့် ကလေးတွေရဲ့ ကျန်းမာရေး၊ ပညာရေး၊ စားဝတ်နေရေးအတွက်ပါ” ဟု ပြောသည်။

ဖာပွန်ခရိုင် ထိုင်း-မြန်မာနယ်စပ် သံလွင်မြစ်ကမ်းနဖူးတွင် တည်ရှိသည့် အီတူးထာဒုက္ခသည်စခန်းတွင် ခိုလှုံနေသူများမှာ မြန်မာစစ်တပ်၏ နယ်မြေစိုးမိုးရေးထိုးစစ်များကြောင့် ၂၀၀၆ ခုနှစ် ညောင်လေးပင်၊ တောင်ငူနှင့် ဖာပွန်ခရိုင်တို့မှ ထွက်ပြေးလာသူများဖြစ်သည်။

အီတူးထာစခန်းမှာ မြန်မာစစ်တပ်စခန်းချရာနေရာနှင့် (၂) နာရီခရီးသာ ရှိသောကြောင့် စခန်းပြင်ထွက်၍ ရှာဖွေစားသောက်ရန်မှာလည်း ဖြစ်နိုင်ခြေမရှိဟု ဒုက္ခသည်တဦးက ပြောသည်။

လက်ရှိတွင် ထိုင်း-မြန်မာနယ်စပ်တလျှောက်ရှိ ဒုက္ခသည်များကို စားနပ်ရိက္ခာထောက်ပံ့ပေးနေသည့် (TBBC) အဖွဲ့က တလလျှင် လူကြီးတဦး ဆန် (၁၅) ကီလို၊ (၅) နှစ်အောက် ကလေးတဦးလျှင် ဆန်လူကြီးတ၀က်နှုန်းနှင့် ဆား စသည်တို့ကို ထောက်ပံ့ပေးလျက်ရှိသည်။

ကလေးငယ်များ ညဘက်စာကြည့်ရန် ရေနံဆီနှင့်ဖယောင်းတိုင်များ အလွန်ရှားပါးသည့်အတွက်လည်း အလှူရှင်များက ကူညီကြရန် စခန်းတွင်းမှ ကလေးမိခင်တဦးက ပြောသည်။

မြန်မာစစ်တပ်နှင့်နီးကပ်သည့် အီတူးထာစခန်းကို မြန်မာစစ်တပ်မှ ၀င်ရောက်တိုက်ခိုက်လာပါက ဒုက္ခသည်များ ဘေးကင်းစွာ ထွက်ပြေးနိုင်ရန်အတွက် သံလွင်မြစ်အတွင်း လူ (၃၀၀) ခန့်ဆန့်မည့် စက်လှေကြီး (၃) စီးကို တနှစ်ပတ်လုံး ကမ်းနဖူးတွင် အရန်သင့်ရပ်ထားရသည်။

အရေးပေါ်အခြေအနေများ ဖြစ်ပေါ်လာပါက အဆိုပါစက်လှေကြီးများဖြင့် ထိုင်းဘက်ဖြစ်စေ၊ မြန်မာဘက် အခြားတနေရာသို့ဖြစ်စေ ရှောင်တိမ်းနိုင်ရန် စခန်းတာဝန်ရှိသူများနှင့် အလှူရှင်အချို့က စီစဉ်ပေးထားခြင်းဖြစ်သည်။

ဒုက္ခသည်တဦးဖြစ်သူ ဖတကွီးက “ဒီမှာနေရတာ အန္တရာယ်များတယ်။ ထိုင်းဘက်သွားနေဖို့ကလည်း မရဘူး။ ထိုင်းမှာရှိတဲ့ ဒုက္ခသည်စခန်းကို ငါတို့မိသားစု သွားနေခွင့်မရှိဘူး၊ ငါတို့ကို ဖမ်းပြီး ဒီကိုပြန်ပို့လိုက်တယ်။ ဒီမှာကတော့ ကံတရားပဲ” ဟု ပြောသည်။

တောင်ငူ၊ ညောင်လေးပင်နှင့် ဖာပွန်ဒေသတို့မှ ဒုက္ခသည်များသည် မြန်မာစစ်တပ်၏ထိုးစစ်ကြောင့် ၂၀၀၆ ခုနှစ်မှစတင်ကာ သံလွင်မြစ်ကမ်းစပ်သို့ ထွက်ပြေးလာကြပြီး အီတူးထာတွင် စခန်းချနေထိုင်လာကြခြင်းဖြစ်သည်။

ဖတ်ပြီးပြန်ခေါက်သိမ်းပေးခဲ့ပါ...

စစ်ပြေးဒုက္ခသည်များ နေရပ်ပြန်ရေး ထိုင်းအကြီးအကဲ လာရောက်ပြောဆို

ဇန်န၀ါရီလ ၂၁ရက်။ စောခါးစူးညား (ကေအိုင်စီ)














၂၀၀၉ခုနှစ်က နိုဘိုးရွာသို့ ရောက်ရှိလာသည် ဒုက္ခသည်များ(ပုံ-ကေအိုင်စီ)
ထိုင်းနိုင်ငံ၊ တာ့ခ်ခရိုင်၊ ထာ့ဆောင်ယန်းမြို့နယ်ရှိ နိုဘိုးရွာ ဒုက္ခသည်စခန်းတွင် အခြေချနေထိုင်သော စစ်ပြေး ကရင်ဒုက္ခသည် များကို နေရပ်သို့ပြန်ရန် ဇန်န၀ါရီလ ၂၀ရက်နေ့က အမှတ်(၃) တိုင်းမှူးကိုယ်တိုင် လာရောက်ဖိအားပေးပြောဆိုခဲ့သည်ဟု နို ဘိုးစခန်းတာဝန်ရှိသူတဦးက ကေအိုင်စီကို ပြောသည်။

၎င်းက “အမှတ်(၃)တိုင်းမှူး နိုင်ထနွန်ဆာ့အဖိလာ့ယူထီက သူ့လူတွေနဲ့ မနေ့က ဒီကို လေယာဉ်ပျံနှစ်စီးနဲ့ လာတယ်။ တာ့ခ်ခ ရိုင်ထဲမှာ ဒုက္ခသည်စခန်းတွေ ထပ်မတိုးချဲ့တော့ဘူးတဲ့။ နောက် ဟိုဘက်ကမ်းမှာ တိုက်ပွဲတွေ မရှိတော့ဘူး။ ဒါကြောင့် ဒီစခန်း မှာရှိတဲ့သူတွေ အကုန်ပြန်ရမယ်လို့ လာပြောသွားတယ်”ဟု ဇန်န၀ါရီ ၂၁ရက်နေ့က ပြောဆိုသည်။


နေရပ်ပြန်ရေးကိစ္စနှင့် ပတ်သက်၍ နိုဘိုးစခန်းကို လုံခြုံရေးတာဝန်ယူပေးရသော ထိုင်းနယ်စပ် လုံခြုံရေးတပ် ထာ့ဟန်ဖန်းအဖွဲ့ ခေါင်းဆောင် ဖုကွန်နို့ပတွန်နှင့် ဖုကွန်ဖရီးချားနှစ်ဦးတို့သည် ဒုက္ခသည်များကို အပြင်းထန်ဆုံး ဖိအားပေးသူများဖြစ်ပြီး ၎င်းတို့ လုံခြုံရေးအဖွဲ့ထဲမှ ကရင်စကားပြောတတ်သူများကို အသုံးချကာ ယခုနှစ်ဆန်းပိုင်းမှစ၍ နိုဘိုးစခန်းရှိ ဒုက္ခသည်များအား နေ ရပ်သို့ပြန်ရန် တအိမ်တက် တအိမ်ဆင်း လိုက်လံပြောဆိုခိုင်းခဲ့သည်ဟု သိရသည်။

“ဒီနှစ်ယောက်ကတော့ တော်တော်ဆိုးတယ်။ သူတို့က ကျနော်တို့ ပြန်ချင်တယ်ဆိုပြီး အထက်ကိုတင်ပြတော့ တိုင်းမှူးက ဆင်းလာတာပဲ။ ကျနော်တို့ကိုလည်း တိုင်းမှူးက မေးရင် ပြန်ချင်တယ်လို့ ပြောရမယ်တဲ့။ ကျနော်တို့က ကြောက်တော့ ဟုတ် တယ်လို့ပဲ ပြောပေးရတာပေါ့။ ကျနော်တို့ ဒီမှာ မတတ်သာလို့ နေရတာပါ။ ကျနော်တို့နယ်မြေ အခြေအနေကောင်းလာရင် တော့ ပြန်ခိုင်းစရာတောင် မလိုပါဘူး”ဟု သူက ပြောသည်။

ယင်းသို့ အာဏာပိုင်များ၏ ဖိအားပေးမှုကြောင့် ပြီးခဲ့သည့်အပတ်က နိုဘိုးစခန်းမှ အိမ်ထောင်စုတစု ၎င်းတို့၏ နေရပ်သို့ပြန်ရာ လမ်းခုလတ်တွင် ထိုမိသားစုထဲမှ ကိုယ်ဝန်ဆောင်အမျိုးသမီးတဦး မိုင်းနင်းမိခဲ့သည့်အပေါ် ကြောက်လန့်မိကြောင်း နိုဘိုးစခန်း တွင် နေထိုင်သူ စောမူးကပေါ်က ယခုလို ပြောသည်။


“သူတို့က ဖားအံခရိုင်၊ ပိုင်ကျုံ(တာကရယ်)မြို့နယ်၊ ၀ါ့ကလေ့ကလားရွာကို ပြန်တာ။ လမ်းမှာ ဗုံးထိတော့ အခု သေလားရှင် လား ကျနော်တို့ မသိဘူး။ ဒါကိုကြားရတော့ ကြောက်တယ်။ မပြန်ရဲဘူး။ လမ်းမှာ ဗုံးတွေအများကြီး ရှိနေအုံးမှာပဲ”ဟု သူက ပြောသည်။

ထိုင်းအာဏာပိုင်များ၏ ပိုမိုဖိအားပေးလာမှုကို ဖြေရှင်းပေးရန် စခန်းတာဝန်ရှိသူများက ကရင်ဒုက္ခသည်များကော်မတီ (ကေ အာရ်စီ)ကို တင်ပြထားသော်လည်း လက်ရှိအချိန်တွင် ကေအာရ်စီသည် ရွေးကောက်ပွဲနှင့် တိုက်ဆိုင်နေသဖြင့် မည်သည့်အ ကြောင်းမှ ပြန်ကြားမှုမရှိသေးကြောင်း သိရသည်။

အဆိုပါဒုက္ခသည်များ ပြန်လည်နေရာချထားရေးအတွက် တိုးတက်သောဗုဒ္ဓဘာသာ ကရင်အမျိုးသားတပ်မတော် (ဒီကေဘီ အေ) တပ်မဟာ(၉၉၉)မှ တပ်ရင်း(၇)မှူး ဒုဗိုလ်မှူးကြီး စောလိုက်သိမ့် ဦးဆောင်သောအဖွဲ့သည် ယခုလ ၂၅ရက်နေ့တွင် ထိုင်းအာဏာပိုင်များနှင့် တွေ့ဆုံဆွေးနွေးရန်ရှိသည်ဟုလည်း စခန်းတာဝန်ရှိသူများက ပြောဆိုသည်။

အဆိုပါဒုက္ခသည်များသည် ၂၀၀၉ခုနှစ်၊ ဇွန်လက ကေအဲန်ယူ တပ်မဟာ (၇)နယ်မြေကို နအဖနှင့် ဒီကေဘီအေ ပူးပေါင်းတပ် တို့ ထိုးစစ်ဆင်ရာမှ ထိုင်းဘက်ခြမ်းသို့ ထွက်ပြေးလာသည့် ကရင်ရွာသူရွာသား ၄,၀၀၀ခန့်ဖြစ်ပြီး ထိုင်းအာဏာပိုင်များက ထာ့ ဆောင်ယန်းမြို့နယ်ရှိ အူးသူးထာ့၊ နိုဘိုး၊ မဲ့တရီနှင့် သလေ့ထာ့ စသည့်နေရာများတွင် ယာယီခိုလှုံခွင့်ပေးထားပြီး နိုဘိုးစခန်း တွင် လက်ရှိအချိန်၌ ဒုက္ခသည်ဦးရေ ၁,၀၀၀နီးပါးရှိကြောင်း သိရသည်။

ဖတ်ပြီးပြန်ခေါက်သိမ်းပေးခဲ့ပါ...

ဇွဲကပင် ပညာဒါနအသင်း အစည်းအဝေးကြီး အောင်မြင်စွာပြီးဆုံး

ဇန်န၀ါရီ ၈ရက်။ စောအဲခေါင် (ကေအိုင်စီ)


ထိုင်းနိုင်ငံ၊ ဘန်ကောက်မြို့အခြေစိုက် ဇွဲကပင်ပညာဒါနအသင်း(ကေဒီအေ) Karen Dana(Donation) Association-KDA ၏ ၁၀ကြိမ်မြောက် အစည်းအဝေးကြီးကို ဇန်န၀ါရီလ ၃ရက်နေ့တွင် အောင်မြင်စွာ ကျင်းပပြီးစီးခဲ့သည်ဟု သိရသည်။

အဆိုပါအစည်းအဝေးကို ဘန်ကောက်မြို့၊ နွန်ထဘူရီရှိ ၀တ်နခွန်းအင်ကျောင်းတိုက်တွင် ကျင်းပခြင်းဖြစ်ပြီး မျိုးဆက်သစ်ကရင်လူ ငယ်များအတွက် ကရင်ပြည်တွင်းတွင် ပညာရေးဌာနတခု ပေါ်ထွန်းလာရန်နှင့် ပြည်ပတွင် ပညာသင်ကြားနေသည့် ကရင်ရဟန်း သံဃာများအား ပံ့ပိုးကူညီနိုင်ရန် ထိုအစည်းအဝေးကို ကျင်းပရခြင်းဖြစ်သည်ဟု ကေဒီအေ တာဝန်ရှိသူတဦးက ကေအိုင်စီကို ပြော ဆိုသည်။


“အသင်းအနေနဲ့က လက်ရှိ ပြည်ပမှာ လက်လှမ်းမှီရာ ကရင့်သံဃာ ၃၅ပါးကို တနှစ်တကြိမ် ထောက်ပံ့တယ်။ နောက်ပြီး ကရင် ပြည်နယ်မှာ ကရင်လူငယ်တွေအတွက် ပညာရေးဌာနတခု ပေါ်ထွန်းလာဖို့အတွက် ဆက်လက်လုပ်ဆောင်သွားဖို့ ရှိပါတယ်။ နိုင်ငံ တကာရောက်နေတဲ့ အလှူရှင်တွေကိုလည်း ဖိတ်ခေါ်တယ်”ဟု ပြောဆိုသည်။

အဆိုပါအစည်းအဝေးကို ကေဒီအေ နယကကြီး အရှင်ဦးကုမရအပါအ၀င် ကရင့်ရဟန်း သံဃာတော်များ၊ ကေဒီအေ အသင်းဝင် များနှင့် ဧည့်ပရိသတ်များ စုစုပေါင်း ၁၀၀၀နီးပါးခန့် တက်ရောက်ခဲ့သည်ဟု သိရှိရသည်။

အစည်းအဝေးကို ၆လတကြိမ်ခေါ်ယူကျင်းပခြင်းဖြစ်ပြီး ယခုတကြိမ်အစည်းအဝေးသည် အသင်းသူအသင်းသားမျာ၏ စည်းစည်း လုံးလုံးဖြင့် ဆောင်ရွက်ခဲ့ခြင်းကြောင့် အောင်မြင်မှုရှိသည်ဟု ကေဒီအေ အသင်းပိုင် ဘလော့ဝက်ဆိုက်ဘ် စာမျက်နှာတွင် ရေးသား ဖော်ပြထားသည်။

ဇွဲကပင် ပညာဒါနအသင်းသည် လက်ရှိ ထိုင်းနိုင်ငံတောင်ပိုင်း ဟတ်ယိုင်မြို့နှင့် ဘန်ကောက်မြို့ပြင်တနေရာတွင် အသင်းဌာနခွဲများ ဖွဲ့စည်းနိုင်ခဲ့ပြီး အဖွဲ့ဝင်စုစုပေါင်း ၃၀၀ကျော်ရှိပြီဖြစ်သည်။

ကေဒီအေ အသင်းကို လွန်ခဲ့သည့် ၂၀၀၅ခုနှစ်က ဘန်ကောက်မြို့တွင် တည်ထောင်ခဲ့ပြီး ပညာတတ် ကရင်ရဟန်းတော်များနှင့် မျိုးဆက်သစ်လူငယ်များ ပေါ်ထွန်းလာရန်၊ အမျိုးဘာသာသာသနာနှင့် ယဉ်ကျေးမှုအမွေအနှစ်များကို ထိန်းသိမ်းစောင့်ရှောက်ရန် နှင့် ကရင်အမျိုးသားများ၏ ဘာသာရေး၊ လူမှုရေး၊ စီးပွားရေးဆိုင်ရာ အသိဥာဏ်များ ဖွံ့ဖြိုးတိုးတက်လာစေရန် ရည်ရွယ်တည် ထောင်ခဲ့ခြင်းဖြစ်သည်။

ဖတ်ပြီးပြန်ခေါက်သိမ်းပေးခဲ့ပါ...

ကရင်အမျိုးသား မိတ်သဟာယ အဖွဲ.မှ ကရင်နှစ်သစ်ကူးပွဲတော်ကို တစုတစည်း ကျင်းပပြုလုပ်မည်

သတင်း-ဓာတ်ပုံ=ဆုတောင်း
တောင်ကိုရီးယား နိူင်ငံရောက် ကရင်အမျိုးသားများက လာမည့် ၂၇၄၉ခုနှစ်တွင် ကျရောက်မည့် ကရင်နှစ်သစ်ကူးပွဲတော်ကို တစုတစည်းဖြင့် စည်ကားသိုက်မြိုက်စွာကျင်းပ ပြုလုပ်ကြမည် ဖြစ်သည်၊ အဆို ပါပွဲတော်ကို ဒီဇင်ဘာလ၂၀ရက်နေ့တွင် ကျင်းပပြုလုပ်မည်ဖြစ်ပြီးကရင်နှစ်သစ်ကူး ကျင်းပရေးကော်မတီ ၀င်များနှင့် ဆပ်ကော်မတီအဖွဲ့များကိုလည်း ပြီးခဲ့သည့် နိုဝင်ဘာလ ၂၂ရက်နေ့က ဖွဲ့စည်းခဲ့ပြီး ဖြစ်သည်။

ပွဲတော်ဖြစ်မြောက်ရေးအတွက်ကရင်အမျိုးသား မိတ်သဟာယအဖွဲ. ကျင်းပရေးကော်မတီဝင်များနှင့် ကရင်လူငယ်အစည်းအရုံး(ကိုရီးယားဌာနခွဲ)ကော်မတီဝင်များမှ အစည်းအဝေးများ ခေါ်ယူကာ ကြိုတင်ပြင်ဆင်မှုများ ပြုလုပ်ခဲ့ကြသည်။နိုဝင်ဘာလ(၂၂)ရက်ရက်နေ့ အစည်းအဝေးတွင် အရေးကြီးသည့် ဖိတ်စာကိစ္စ၊ ကျွေးမွေး ရေးကိစ္စနှင့် အခြားအရေးကြီးသည့် ကိစ္စရပ်များကိုလည်း ဆုံးဖြတ်ချက်ချမှတ်နိုင်ခဲ့သည်၊ ကရင်အမျိုးသားနှစ်သစ်ကူးပွဲတော်ကို ဟောပြောရေး အပိုင်း၊ ယဉ်ကျေးမှုအပိုင်းနှင့် ခေတ်ပေါ်ဖျော်ဖြေရေးအပိုင်းစသည်ဖြင့် ကျင်းပပြုလုပ်မည်ဖြစ်သည်။

ဖတ်ပြီးပြန်ခေါက်သိမ်းပေးခဲ့ပါ...

နှစ်ရှည်ထိန်းသိမ်းခံ မြန်မာသူပုန်တွေကို ဒုက္ခသည်အဖြစ် သတ်မှတ်မည်

လက်နက်မှောင်ခိုမှုနဲ့ အိန္ဒိယမှာ နှစ်ရှည် ဖမ်းဆီးခံထားရတဲ့ မြန်မာနိုင်ငံသား သူပုန်တွေကို UNHCR ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက ဒုက္ခသည်အဖြစ် အသိအမှတ် ပြုလိုက်ပါတယ်။ သူတို့ဟာ အိန္ဒိယ ကာလကတ္တား အကျဉ်းထောင်ထဲကနေ အမှုရင်ဆိုင်နေရတာ ဖြစ်ပြီး အကယ်၍ တရားသေ လွတ်မြောက်လာခဲ့မယ် ဆိုရင်တော့ မြန်မာနိုင်ငံကို ပြန်ပို့ခံရနိုင်တဲ့ အနေအထား မရှိတော့ပါဘူး။ အကြောင်းစုံကို မေးမြန်းထားတဲ့ ဗွီအိုအေ ထိုင်းအခြေစိုက် သတင်းထောက် ကိုကျော်ထင်က တင်ပြပေးထားပါတယ်။

လက်နက်မှောင်ခိုမှုနဲ့ စွပ်စွဲခံထားရပြီး အိန္ဒိယ အကျဉ်းထောင်တွေမှာ ၁၀ နှစ်ကျော်ကြာ ဖမ်းဆီးခံထားရတဲ့ ရခိုင်နဲ့ ကရင်သူပုန် ၃၄ ဦးကို ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) က ဒုက္ခသည်တွေအဖြစ် အသိအမှတ် ပြုလိုက်ပါတယ်။ ဒီသူပုန် ၃၄ ဦးကတော့ ရခိုင်ပြည် အမျိုးသားညီညွတ်ရေးပါတီ (NUPA) က ၂၃ ဦးနဲ့ KNU ကရင်အမျိုးသား အစည်းအရုံးက ၁၁ ဦး ဖြစ်ပါတယ်။NUPA ဥက္ကဋ္ဌ ဒေါက်တာခင်မောင်က အခုလို အသိအမှတ်ပြုမှုကုိ ကြိုဆိုလိုက်ပါတယ်။“ဒါက ကျနော်တို့ အင်မတန်မှ ၀မ်းသာတယ်၊ ဂုဏ်ယူတယ်၊ ကျေးဇူးတင်တယ်ဆိုတာ မပြောတတ်တော့ဘူး။

ဒီလိုဖြစ်လာတာလည်းပဲ ကျနော်တို့ ဒီမိုကရေစီ အင်အားစုတွေ၊ တိုင်းရင်းသား အင်အားစုတွေ၊ ကျနော်တို့ အတိုက်ခံတွေက Signature Campaign လုပ်ပြီးတော့ ဒီရဲဘော်တွေအတွက် လူ့အခွင့်အရေးနဲ့ ဒီမိုကရေစီရေးအတွက် တိုက်ပွဲဝင်နေတဲ့ Freedom Fighter တွေ ဖြစ်တယ်ဆိုတဲ့ တောင်းဆိုခဲ့မှုအပေါ်မှာ၊ နောက်ပြီး လူ့အခွင့်အရေးဆိုင်ရာ ရှုထောင့်ကနေပြီးတော့ UNHCR က လက်ခံလိုက်တာကို ကျနော်တို့ အများကြီး ၀မ်းသာပါတယ်ခင်ဗျ။”စောစောပိုင်းကတော့ NUPA ပါတီဟာ သူတို့ရဲ့ ရဲဘော်တွေ ဖမ်းဆီးသတ်ဖြတ်ခံရမှုကို အိန္ဒိယ စစ်ထောက်လှမ်းရေး ဗိုလ်မှူးကြီး ဂရ၀ါနဲ့ မိတ်ဆွေတချို့ရဲ့ လက်ချက်လို့ စွပ်စွဲထုတ်ပြန်မှုတွေ ရှိပေမဲ့ အိန္ဒိယစစ်ဘက်က တစုံတရာ တုံ့ပြန်ပြောဆိုမှု မရှိခဲ့ပါဘူး။

KNU ဒု-ဥက္ကဋ္ဌ ဒေးဗစ် သာကပေါကလည်း အခုလို အသိအမှတ်ပြုမှုဟာ အလားအလာ ကောင်းတယ်လို့ ပြောပါတယ်။“ဟုတ်ကဲ့၊ အလားအလာ ကောင်းပါတယ်။ ဘာလုိ့လဲဆိုတော့ သူတို့အနေနဲ့က အိန္ဒိယနဲ့ ပတ်သက်တဲ့ ဥပဒေတွေ ဘာတွေ ချိုးဖောက်တာလည်းမရှိ၊ သူတို့အနေနဲ့ တဘက်လှည့် အလိမ်ခံရတယ်လို့ပဲ ပြောရမှာပေါ့။ သူတို့ကလည်း ရခိုင်ဘက်ကို သွားတဲ့အခါမှာ အလိမ်ခံရပြီး ခေါင်းဆောင်တွေလည်း အသတ်ခံရ၊ နောက်ပြီး ထောင်ထဲမှာလည်း နှစ်ပေါင်းကြာနေပြီ၊ အဲဒီအခြေအနေမှာ ရှိပါတယ်။”

ဒီသူပုန်တွေဟာ ၁၉၉၈ ခုနှစ်ဆန်းပိုင်း ကတည်းက အိန္ဒိယပိုင် ဂရိတ် နီကိုဘာကျွန်းစုထဲက လန်းဖောကျွန်းမှာ ဖမ်းဆီးခံခဲ့ရတာပါ။ သူတို့ဟာ အိန္ဒိယ စစ်ထောက်လှမ်းရေး ဗိုလ်မှူးကြီး ဂရ၀ါနဲ့ သဘောတူညီချက်အရ လမ်းဖောကျွန်းမှာ အခြေချစခန်း တည်ဆောက်ဖို့ ရောက်လာကြတာ ဖြစ်တယ်လို့ NUPA က ပြောပါတယ်။ လမ်းဖောကျွန်းကို ရောက်ပြီး နောက်တနေ့မှာပဲ ဗိုလ်ခိုင်ရာဇာ၊ ဖဒိုမူးရယ် အပါအ၀င် ခေါင်းဆောင် ၆ ဦး သတ်ဖြတ်ခံလိုက်ရပါတယ်။ ကျန်တဲ့သူပုန်တွေကတော့ ဂရိတ် နီကိုဘာ ကျွန်းစုထဲက ပို့ဘလဲယားကျွန်းမှာ အမှုရင်ဆိုင်ခဲ့ရပြီး ၂၀၀၆ ခုမှာ ကာလကတ္တား အကျဉ်းထောင်ကို ပြောင်းရွှေ့လာခဲ့တာ ဖြစ်ပါတယ်။

သူပုန်တွေအတွက် ကူညီပေးနေသူတွေကတော့ အိန္ဒိယအစိုးရ အနေနဲ့ တရားဥပဒေ လမ်းကြောင်းအရ မှန်မှန်ကန်ကန် ဆုံးဖြတ်ဖို့နဲ့ အကယ်၍ လွတ်မြောက်လာရင်လည်း လုံခြုံဘေးကင်းတဲ့ နိုင်ငံတခုခုမှာ နိုင်ငံရေး ခိုလှုံခွင့်ရဖို့ ပြင်ဆင်နေကြပါတယ်။ ပြီးခဲ့တဲ့ နှစ်ကုန်ပိုင်းကတော့ အရှေ့တီမောနဲ့ ချက်သမ္မတ နိုင်ငံတို့က သူတို့ကို နိုင်ငံရေးခိုလှုံခွင့် ပေးမယ်လို့ ကမ်းလှမ်းခဲ့ပါတယ်။

ဖတ်ပြီးပြန်ခေါက်သိမ်းပေးခဲ့ပါ...

KPF တပ်ဖွဲ့အတွင်းအခြေအနေတင်းမာ

Kaowao
နိုင်ဝင်ဘာ ၉ ၊၂၀၀၉။

ကောင်းဝါ(နိုဝင်ဘာ-၉)။ ။ ထိုင်းမြန်မာနယ်စပ် ဘုရာသုံးဆူမြို့အခြေစိုက် KPFခေါ်ကရင်ငြိမ်းချမ်းရေးအဖွဲ့အတွင်း ယနေနံနက် (၇) နာရီတွင် အာဏာလွန်ဆွဲပွဲ ဖြစ်ပွါးခဲ့ပြီး နယ်မြေခံ နအဖ ခမရ(၂၈၃) တပ်ရင်းမှုးဒုဗိုလ်မှုးကြီး မြတ်ထွန်းအေး ဖြေရှင်းပေးနေရကြောင်းသိရသည်။ KPF ဌာနချုပ်၏ ညွှန်ကြားချက်အရ ဘုရားသုံးဆူမြို့ရှိ KPF အမှတ် (၃)တပ်ရင်းမှူးနေရာတွင် ဗိုလ်မှူးမန်းလေးဝါးအားဖယ်ရှားပြီး ဗိုလ်မှူးစောဝါးချဲ့ကို ယာယီအားဖြင့် အစားထိုး တာဝန်ပေးခဲ့ရာ အဆိုပါ တာဝန်လွှဲပြောင်းမှုကိစ္စကို ဗိုလ်မှူးမန်းလေးဝါးက လက်မခံ ငြင်းဆန်ခဲ့သဖြင့် ပဋိပက္ခဖြစ် ပွါးခဲ့သည်ဟု KPF နှင့်နီးစပ်သူ တစ်ဦးမှ ပြောပါသည်။

တခြား KPF အဖွဲ့ဝင်ဟောင်းတစ်ဦးကမူ နေရာလွှဲပြောင်းပေးရန် အခြေအဝင်ဖြစ်ပွါးနေစဉ်အတွင်း အမှတ်(၃)တပ် ရင်း ထောက်လှမ်းရေးမှူး ပလာဝါးက ဗိုလ်မှူးမန်းလေးဝါး၏သေနတ်ကိုလုယူပြီး ချိန်ရွယ်ထားသည်အထိ အခြေအ နေတင်းမာခဲ့သည်ဟု ဆိုသည်။ စခန်းအတွင်းအိမ်ထောင်သည်လိုင်းမိသားစုဝင်များက ကြောက်လန့်တကြားပြေး လွားနေသည်ဟု ဆိုသည်။

ဗိုလ်မှူးမန်းလေးဝါးမှာ ပြီးခဲ့သည်ဇူလိုင်လ (၈)ရက်နေ့တွင် KNU လက်မှထိန်းသိမ်းခံခဲ့ရပြီးလက်နက် (၈) လက်ပါ သိမ်းဆည်းခံခဲ့ရသည့် ဖြစ်စဉ်ကြောင့် နအဖ ဘက်မှသံသယရှိနေပြီး ၄င်းနေရာကို အစားထိုးရန် KPF ဌာနချုပ်ကို တွန်းအား ပေးခဲ့သည်ဟု KPF အဖွဲ့နှင့်နီးစပ်သူတစ်ဦးက ပြောပါသည်။

ယခုအခါ KPF အမှတ် (၂) တပ်ရင်း၊ အမှတ် (၃) တပ်ရင်းကို ဖျတ်သိမ်းပြီးအမှတ် (၁) တပ်ရင်းနှင့်ပေါင်းကာ နယ်ခြားစောင့်တပ်ဖွဲ့အသွင်ပြောင်းရန်လက်ခံခဲ့သည်ဟု ဆိုသည်။ ထိုသို့လက်ခံလိုက်ခြင်းအာဖြင့် အသက် (၅၀) ကျော်အရာရှိအရာခံအကြပ်တပ်သားများ အနားယူရပြီး နအဖ တပ်အရာရှိများမှ အဓိကကျသောနေရာတွင် ထိန်ချုပ်နေရာယူမည့်ကိစ္စအတွက် အောက်ခြေအဖွဲ့ဝင်များ ကျေနပ်မှုမရှိဟု KPF တပ်ဖွဲ့ဝင်ဟောင်းတစ်ဦးမှပြော ပါသည်။

ဖတ်ပြီးပြန်ခေါက်သိမ်းပေးခဲ့ပါ...

ကရင်အမျိုးသမီးများ၏ တော်လှန်ရေးအတွက် စွမ်းဆောင်မှုများ

ဖိုးထူးထူး (ထူးဘီ-တပ်မဟာ ၁)
ဘယ်သမိုင်း၊ တော်လှန်ရေး တိုက်ပွဲတွေမှာမဆို အမျိုးသမီးတွေရဲ့ အခန်းကဏ္ဍဟာ တထောင့်တနေရာ မှာ ပါဝင်စမြဲပါ။ သို့သော်လည်း သူတို့ရဲ့ ပါဝင်မှုကို အနည်းအကျဉ်းသာ အသိအမှတ်ပြုခံရတာ (သို့မဟုတ်) လုံးဝ အသိအမှတ်ပြုမခံရတာဟာ နှစ်ပေါင်းများစွာကထဲက ဖြစ်တည်နေခဲ့တဲ့ အမှန်တရားဖြစ်သလို ယနေ့ထက်ထိတိုင်လဲ မှန်ကန်နေဆဲလို့ ပြောရင် ငြင်းလို့ရမယ်မထင်ပါဘူး။လူတွေရဲ့ ခေါင်းထဲမှာ သံမှိုစွဲရိုက်ထားသလို ထင်ကျန်နေတဲ့ အယူသီးမှုတွေထဲက အမျိုးသမီးများတွေရဲ့ ခေါင်းဆောင်မှုအပေါ် အထင်အမြင်သေးတာဟာ အဆိုးရွားဆုံး ကျန်ရှိနေသေးတဲ့ အယူသီးမှုထဲမှ တခု အပါအ၀င် ဖြစ်ပါတယ်။ ဘာကြောင့်လဲလို့မေးလာမယ့်မေးခွန်းအတွက် အဖြေအမျိုးမျိုး ထွက်လာနိုင်ပါတယ်။ တချို့တွေကတော့ အမျိုးသမီးတွေမှာ သဘာဝအရကို မှီခိုနေရမယ့်၊ အုပ်ချုပ်ခံရမယ့်၊ အမျိုးသားတွေရဲ့ ကိုယ်ပွားအဖြစ်သာ ရပ်တည်ရမယ့်၊ ဦးဆောင်မှုမပြုနိုင်တဲ့ လူတန်းစားလို့ မြင်တဲ့သူတွေ ရှိနိုင်ပါတယ်။ ဒီလိုမြင်တဲ့သူကတော့ အမျိုးသမီးတွေ ဘယ်လောက်ပဲ အစွမ်းထက်ပြီး တော်နေပါစေ၊ အသိအမှတ်မပြုနိုင်တဲ့ တဘက်စွန်း ရှေးရိုးစွဲဝါဒီ ကိုင်စွဲထားတဲ့ လူမျိုးတွေဖြစ်ပါတယ်။ ဖွံ့ဖြိုးတိုးတက်နေတဲ့ အနောက်တိုင်းနိုင်ငံတွေမှာ အရင် မတိုးတက်ခင် ဒီလိုအမြင်မျိုးတွေကို အမျိုးသမီးတွေ အများကြီး ရင်ဆိုင်ခဲ့ရပါတယ်။ အမျိုးသားများကဲ့သို့ အမျိုးသမီးများ မစွမ်းဆောင်နိုင်တာဟာ သဘာဝကပေးတဲ့ အခွင့်အလမ်း၊ အခွင့်အရေး၊ ခွဲခြားဆက်ဆံမှု များကြောင့်ဖြစ်တယ်လို့ ပျော့ပြောင်းပြီး အမြင်ကျယ်တဲ့ တချို့လူတွေက မြင်ပါတယ်။ ကျမတို့ ပတ်ဝန်း ကျင်မှာ ဒီလိုလူတွေကတော့ အနည်းစုဖြစ်ပြီး အမျိုးသမီးတွေကို အခြေအနေအရ အသိအမှတ်ပြုနိုင်တဲ့ လူမျိုးတွေဖြစ်ပါတယ်။ ဖွံ့ဖြိုးတိုးတက်ပြီး ယဉ်ကျေးမှု မြင့်လာတာတဲ့အတူ ဒီအမြင်တွေက ပြောင်းလဲနေ တတ်ပါတယ်။ သို့သော်လည်း ဒီလို အမြင်ပြောင်းလဲဖို့ အမျိုးသမီးတွေ တိုက်ပွဲအမျိုးမျိုးကို အချိန်ကာလ အတိုင်းအတာ တခုအထိ ကျော်ဖြတ်လာရပါတယ်။

ကျမတို့ လက်ရှိ ကရင်အခြေအနေမှာကော အမျိုးသမီးတွေရဲ့ ခေါင်းဆောင်မှု၊ စွမ်းဆောင်နိုင်မှုအပေါ် ဘယ်လိုအဆင့်မှာ မြင်နေသေးလဲ။ ကရင်တော်လှန်ရေးထဲမှာ လူတိုင်းက တတ်နိုင်တဲ့ဘက်ကနေ တထောင့်တနေရာမှာ ပေးဆပ်နေကြပါတယ်။ လူတိုင်းလို့ပြောတဲ့နေရာမှာ အမျိုးသမီးတွေ အပါအ၀င် ဖြစ်ပါတယ်။ အသေးအမွားကအစ ပြောရမယ်ဆိုရင် တော်လှန်ရေးအတွက် နောက်တန်းကနေ ထမင်း ဟင်းချက်၊ အ၀တ်အထည်ချုပ်ရာမှအစ တိုက်ပွဲထဲမှာ ပါဝင်တိုက်ခိုက်တဲ့အထိ ပေးဆပ်ကြပါတယ်။ ကရင့်တော်လှန်ရေးမှာ အမျိုးသမီး စစ်သည်တော် ရှိခဲ့ပါတယ်။ ထူးချွန်တဲ့ အမျိုးသမီးစစ်သည်တော်တွေ လည်း အများကြီးပါပဲ။ မိသားစုထဲမှာလည်း မိသားစုအဆင့်အလျောက် တော်လှန်ရေးကို ပံ့ပိုးကူညီကြ တာပါပဲ။ လင်ယောက်ျားက ရှေ့တန်းသွားချိန်မှာ အမျိုးသမီးတွေဟာ ကလေးတွေအတွက် ရုန်းကန်ရ ခြင်း၊ ရန်သူရဲ့ ခြိမ်းခြောက်မှု၊ နှိပ်စက်မှု အမျိုးမျိုးကို ခံနိုင်ရည်ရှိရှိ ရင်ဆိုင်နိုင်ခြင်းဟာလည်း တိုက်ပွဲဝင် ခြင်း တမျိုးပါပဲ။ အမျိုးသမီးတွေရဲ့ ထောက်ပံ့မှုမရှိဘဲ အမျိုးသားတွေဟာ ဘယ်လိုလုပ်ပြီး တော်လှန်ရေး လုပ်နိုင်မှာလဲ။ ဒီမေးခွန်းကိုပဲ သေသေချာချာ ဖြေကြည့်ပါ။ ပတ်ဝန်းကျင်မှာရော၊ မိသားစုထဲမှာပါ အမေ တွေ၊ ညီအမတွေ၊ အဘွားတွေ စတဲ့အမျိုးသမီးအားလုံးရဲ့ စွန့်လွှတ်မှု ဘယ်လောက်ရှိလဲဆိုတာ မျက်စိ မှိတ်ပြီး တခုချင်း မြင်ယောင်ကြည့်လိုက်ပါ။ ဖြေစရာမလိုဘဲ ရှင်းရှင်းလင်းလင်း မြင်မိပါလိမ့်မယ်။


မိသားစုအဆင့်ကို ကျော်ပြီး ပတ်ဝန်းကျင်မှာ ကြည့်မယ်ဆိုရင် ကျေးရွာတွေမှာ အမျိုးသမီးတွေရဲ့ ခေါင်း ဆောင်နိုင်မှု၊ ဦးဆောင်နိုင်မှုကို သိသိသာသာ မြင်နိုင်ပါတယ်။ တော်လှန်ရေးကာလမှာ အမျိုးသားများက ရှေ့တန်းမှာ ရွတ်ရွတ်ချွံချွံ တိုက်ခိုက်ပြီး အသက်ပေးရတာကိုတွေ အသိအမှတ်မပြုလို့ မရပါဘူး။ တချိန် ထဲမှာပဲ နောက်တန်းကနေ ခုခံပြီး ကာကွယ်တိုက်ခိုက်တဲ့ အမျိုးသမီးတွေရဲ့ စွမ်းရည်တွေကိုလည်း မေ့ ထားလို့ မရပါဘူး။ အမျိုးသမီးတွေရဲ့ အရည်အချင်းမြောက်မြားစွာထဲက စေ့စပ်ညှိနှိုင်းမှု အရည်အချင်း ဟာ ထ်ိပ်ဆုံးနေရာကနေ ပါတယ်လို့ပြောရင် ငြင်းတဲ့သူရှိကောင်းရှိပါလိမ့်မယ်။ သို့သော် လက်တွေ့မှာ စစ်ပွဲဖြစ်နေတဲ့ ကရင်ကျေးရွာတွေကို ကြည့်မယ်ဆိုရင် အမျိုးသားတွေ ရွာသူကြီး မလုပ်နိုင်တဲ့ အခြေ အနေမှာ အမျိုးသမီးတွေက ရွာသူကြီးမအဖြစ် တာဝန်ယူရပါတယ်။ အမျိုးသားတွေ ဘာကြောင့် မလုပ် နိုင်သလဲလို့ မေးစရာရှိလာပါတယ်။ ကျေးရွာတွေမှာ အမျိုးသား သူကြီးလုပ်ရင် နောက်တနေ့ မနက်မိုး လင်းမှာပဲ သစ်စရာမျက်နှာမရှိတော့ဘူးလို့တောင် အဆိုရှိပါတယ်။ ရွာသူကြီးလုပ်ရတာ အဖက်ဖက်နဲ့ ရင် ဆိုင်ရတဲ့ အခြေအနေမှာ အသက်အန္တရယ်အတွက် အဲဒီလောက်တောင် စိုးရိမ်ရပါတယ်။ အမျိုးသမီး တွေဘာကြောင့် ရွာသူကြီးမ၊ လုပ်နိုင်ရတာလဲလို့ မေးချင်ပါလိမ့်မယ်။ ဒီလောက် အမျိုးသားအတွက် တောင် ခက်ခဲတဲ့အလုပ်ဟာ အမျိုးသမီးတွေအတွက်လည်း ဘယ်လွယ်လိမ့်မလဲ။ အသက်အန္တရာယ် ခြိမ်းခြောက်ခံရ၊ တချို့တွေမှာ မတော်မ တရားပြုကျင့်မှုခံရတာတောင် ရှိပါတယ်။ သို့သော် နည်းလမ်းအ မျိုးမျိုးသုံးပြီး ကျေးရွာအတွက် အခြေအနေမျိုးစုံနဲ့ လိုက်လျောညီထွေအောင် ညှိနှိုင်းပြီး တာဝန်ယူ လုပ် ဆောင်နေရပါတယ်။ နှိပ်စက်ခံရမှုတွေ၊ ခြိမ်းခြောက်မှုတွေကြောင့် ဘယ်သူမှ မလုပ်နိုင်တဲ့၊ မလုပ်ချင်တဲ့ အလုပ်ကို သူတို့လဲ ပျော်ပြီးတော့ ဘယ်လုပ်ချင်မလဲ။ သို့သော် ကျေးရွာအတွက်၊ ရွာသူရွာသားတွေအ တွက် ရွေးစရာလမ်းမှမရှိတော့ ဓါးသွားထက်ပေါ်လျှောက်ရသလို သူတို့လုပ်နေရတာပေါ့။ နှစ်ပေါင်းများ စွာ လုပ်ခဲ့ပြီးပြီ။ အခုလည်း လုပ်နေဆဲပဲ။ တော်လှန်ရေးအောင်မြင်တဲ့အထိ ကျေးရွာအဆင့်မှာ ဦးဆောင် ပြီး လုပ်နေဦးမှာပဲဆိုတာ မေးစရတောင်မလိုပါဘူး။ ဒီအမျိုးသမီးတွေကို ကြည့်မယ်ဆိုရင် ကရင်အမျိုးသ မီးတွေရဲ့ ခေါင်းဆောင်မှု၊ ဦးဆောင်မှုကို မေးခွန်းထုတ်စရာရှိမယ် မထင်တော့ပါဘူး။ သို့ပေမဲ့…ဘာဖြစ်လို့ သူတို့ရဲ့ ခေါင်းဆောင်မှု၊ ဦးဆောင်မှုကို အသိအမှတ်ပြုဖို့ ခက်ခဲနေရတာလဲ။ ဘာတွေက ကျမတို့ရဲ့ ဦးခေါင်းထဲမှာ သံမှိုရိုက်စွဲထားသလို အမျိုးသမီးတွေရဲ့ ဦးဆောင်နိုင်မှုကို အသိအမှတ် မပြုနို်င်ရတာလဲ။

အမျိုးသမီးတွေရဲ့ ဦးဆောင်မှုကို ကျေးရွာအဆင့်ကနေ တမျိုးသားလုံးအဆင့်ကို ကြည့်မယ်ဆိုရင် အမျိုး သမီးတွေရဲ့ ဦးဆောင်မှုဟာ အတိုင်းအတာတခုအထိ အသိအမှတ်ပြုလာပြီလို့ပြောရင် မှားမယ်မထင် တော့ပါဘူး။ ကရင်အမျိုးသားအစည်းအရုံးမှာ သမိုင်းတွင်တဲ့လုပ်ရပ်ကို ခေါင်းဆောင်တွေလုပ်ခဲ့ပါတယ်။ အဲဒါက သမိုင်းမှာ ဘယ်တုန်းကမှ မရှိခဲ့ဘူးတဲ့ ပထမဦးဆုံး အမျိုးသမီး အထွေထွေအတွင်းရေးမှူးချုပ်ကို ရွေးကောက်တင်မြောက်ခြင်းပါပဲ။ အမျိုးမျိုးဝေဖန်သံတွေ ထွက်လာပါတယ်။ တခုပဲ ပြောစရာရှိပါတယ်။ ရွေးကောက်ခြင်းရဲ့ အဓိပ္ပါယ်ကဘာလဲ။ အများစုရဲ့ သဘောတူညီချက်အရ လျှို့ဝှက်မဲနဲ့ အနိုင်ရခဲ့တာဟာ ဒီမိုကရေစီရွေးကောက်ခြင်းရဲ့ နောက်ဆုံးရလဒ် အမှန်တရားပဲဖြစ်ပါတယ်။ ဒီအတွက် အမျိုးမျိုးသော ဝေဖန်မှုတွေက လူနည်းစုဆီက ထွက်လာတာဟာ မဆန်းပါဘူး။ သို့သော် အပြုသဘောနဲ့ ဝေဖန်တာမျိုး၊ အကောင်းဘက်နေပြီး ဝေဖန်တာမျိုးတော့ ဖြစ်ဖို့လိုအပ်ပါတယ်။ ကိုယ်မနိုင်လို့မဲပြီး ပျက်စီးလိုပျက်စီးငြား လျှောက်ပြောတာဟာ ဒီမိုကရေစီလိုချင်တဲ့ အသိုင်းအ၀ိုင်းမှာ နိုင်ငံရေးသီးခံနိုင်မှု မရှိသေးတဲ့အတွက် ကြောင့် တကယ်တမ်း ဒီမိုကရေစီလိုချင်ပါက နို်င်ငံရေးသီးခံနိုင်မှု ရှိလာတဲ့အထိ ကြိုးစားကြဖို့ လိုပါသေး တယ်။


အမျိုးသမီးရဲ့ လက်ရှိ ဦးဆောင်မှုအပေါ် ဝေဖန်သူတွေဟာ သူတို့ဖာသာ သူတို့ရှင်းလင်းအောင် ပြဿနာ ကို အရင်ရှာဖို့လိုပါတယ်။ ဘာပြသနာကို အရင်းရှာပြီး ဝေဖန်ချင်တာလဲ။ စီမံခန့်ခွဲမှု၊ ဦးဆောင်မှုအပေါ်မှာ တော့ ပြဿနာရှာစရာ မလိုလောက်အောင်ဖြစ်တဲ့အတွက်ကြောင့် အမျိုးသမီးဖြစ်လို့ နိုင်ငံရေး နားမ လည်ဘူးလို့သာ အငြင်းပွားချင်ရင် နိုင်ငံရေးကဘာလဲလို့ ပြန်မေးချင်ပါတယ်။ နိုင်ငံရေးဆိုတာ စကားလုံး အရသာ ခက်သယောင်ယောင်နဲ့ တကယ့်အဓိပ္ပါယ်က ရိုးရှင်းလွန်းပါတယ်။ လူတိုင်းနားလည်တဲ့ နိုင်ငံ ရေးရဲ့အဓိပ္ပါယ်ဟာ တကယ့် ရှင်းရှင်းလင်းလင်းပါ။ အဲဒါကတော့ အောက်ခြေကနေ အမြင့်ဆုံးအထိ ဖြစ် နေတဲ့ ပြဿနာအားလုံးရဲ့ အဖြေကိုရှာခြင်းဟာ နိုင်ငံရေးပါပဲ။ ဒီနိုင်ငံရေးကို အမျိုးသမီးဖြစ်လို့ ဘာ ကြောင့် နားမလည်ရမှာလဲ။ ပြဿနာတွေပေါင်းစုံရဲ့ အရင်းအမြစ်ကြားမှာ နေလာခဲ့ရပြီး အခက်အခဲမျိုးစုံ အောက်က ဖြတ်သန်းရတဲ့ အမျိုးသမီးတွေက ဘာကြောင့် ဒီပြဿနာကို နားမလည်ဘူးလို့ အထင်ခံရ တာလဲ။ ပိုပြီးတော့တောင် ဖိနှိပ်မှုကို ခံရတဲ့အမျိုးသမီးတွေပါ။ ပြဿနာရဲ့ အရင်းအမြစ်ကို အောက်ခြေ ကနေ ထိပ်ဆုံးအထိ ပိုနားလည်လို့ ပိုပြီးတော့တောင်မှ ဘယ်အဖြေဟာ အကောင်းဆုံးလဲဆိုတာ သိနေပါ တယ်။ ဒါပေမဲ့ အပြောထက် အလုပ်ကိုသာ အမြဲတမ်းလုပ်နေတဲ့ အမျိုးသမီးတွေရဲ့ လုပ်ဆောင်မှုကို နောက်ဆုံးအထိ စောင့်ကြည့်စေချင်ပါတယ်။ အဲဒီအခါကျမှသာ အမျိုးသားခေါင်းဆောင်များနဲ့ တန်းတူ ဘက်လိုက်မှုမရှိဘဲ မျှမျှတတ ဝေဖန်ပါ။ ဆန်းစစ်ပါ။ အမြင့်ဆုံးအဆင့်မှာ ပထမဦးဆုံး အမျိုးသမီး ဦး ဆောင်မှုအပေါ် စိတ်ရှည်သီးခံကြပါ။ အဖြေဘာမှ မသိခင်ကတည်းက အမျိုးသမီးဖြစ်လို့ကို အဖွဲ့အ စည်းအတွင်း နှစ်ပေါင်းများစွာကတည်းက တည်ရှိနေခဲ့တဲ့ ရှိရှိသမျှ အခက်အခဲမျိုးစုံ၊ ပြဿနာပေါင်းစုံကို ဒီအမျိုးသမီးအပေါ် ပုံချတာဟာ မတရားဘူးလို့ထင်ပါတယ်။ အမြင်လေးများ ဒီထက် ပိုကျယ်စေချင်ပါ တယ်။ နိုင်ငံရေးသီးခံမှု အပါအ၀င် အမျိုးသမီးတွေအပေါ် အဆိုးမြင်လွန်းတဲ့ အစွဲကလေးများ ကင်းရှင်း ပါက ကျမတို့ ကရင့်လူ့အဖွဲ့အစည်းအတွက် ကောင်းတဲ့ဘက်ကို ကောင်းသထက်ကောင်းအောင် ဦးတည် သွားမှာပါ။

ဖတ်ပြီးပြန်ခေါက်သိမ်းပေးခဲ့ပါ...

ပဒိုမန်းရှာလားဖန်း ခေါင်းဆောင်ဆု ရရှိမည့်သူအား စတင် ရွေးချယ်တော့မည်

၂၀၀၉ခုနှစ်အတွက် ပဒိုမန်းရှာလားဖန်း လူငယ့်ခေါင်းဆောင်ဆု ရရှိမည့်သူအား စတင်ရွေးချယ်တော့ မည်ဖြစ်သဖြင့် အဆိုပါဆုကို လက်ခံရယူနိုင်မည့် ကရင်လူငယ်များကို စာရင်းစတင်ပေး သွင်းနိုင်ပြီဖြစ်ကြောင်း အဆိုပါဆုကို တာဝန်ယူ ပေးအပ်နေသည့် ဖန်းဖောင်ဒေးရှင်းအဖွဲ့မှ တိုက်တွန်းနိုး ဆော်ထားသည်၊
ဖန်းဖောင်ဒေးရှင်းကို လုပ်ကြံမှုကြောင့် ကျဆုံးသွားခဲ့သည့် ပဒိုမန်းရှာလားဖန်းနှင့် ကွယ်လွန်သွား ခဲ့ပြီးဖြစ်သည့် ၄င်း၏ဇနီးနန့်ကျင်ရွေတို့အား အမှတ်တရအနေဖြင့် ကျန်ရစ်သူ သားသမီး ၄ဦးမှ တည်ထောင် ထားခြင်းဖြစ်သည်၊
အဆိုပါဆုပေးပွဲကို ယခင်နှစ်ကတည်းက စတင်ပေးအပ်ခဲ့ခြင်းဖြစ်ပြီး ယခုတကြိမ်ဆိုလျှင် ဒုတိယအကြိမ် မြောက် ပေးအပ်မည့် အစီအစဉ်တရပ်လည်း ဖြစ်သည်၊













ဖန်းဖောင်ဒေးရှင်းတည်ထောင်သူ ပဒိုမန်းရှာ၏ မျိုးဆက်များပုံ။
အဆိုပါဆုကို ကရင်လူငယ်တဦးအားပေးအပ်မည့်ဖြစ်ကာ လူတဦးချင်းအနေဖြင့်သော်၎င်း အဖွဲ့အစည်းတခုခု ချင်းအနေဖြင့်သော်၎င်း ဆုရယူနိုင်မည့်သူတဦးကို ဒီဇင်ဘာ ၃၁ရက်နေ့ နောက်ဆုံး ထားကာ bwabwa.phan@phanfoundation.org ထံ ပေးပို့နိုင်ပြီဖြစ်သည်၊
အသေးစိတ်သိလိုပါက ဖန်းဖောင်ဒေးရှင်း http://www.phanfoundation.org/ ၀က်ဆိုက်ဘ်တွင် ဆက် လက်ဖတ်ရှူနိုင်ပါသည်။
သတင်းအချက်အလက်ပေးပို့သူ နန့်ဘွားဘွားဖန်းကို ကျေးဇူးတင်ရှိလျှက်။

ဖတ်ပြီးပြန်ခေါက်သိမ်းပေးခဲ့ပါ...

ထိုင်းနှင့် မြန်မာနယ်စပ်အာဏာပိုင်တို့ကြား တင်းမာမှု ခေတ္တဖြစ်ပွား

နိုဝင်ဘာလ ၂ရက်။ စောသိန်းမြင့် (ကေအိုင်စီ)

ထိုင်း-မြန်မာနယ်စပ် ဘုရားသုံးဆူမြို့တွင် ထိုင်းနှင့် မြန်မာ နယ်စပ်အာဏာပိုင်တို့အကြား တင်းမာမှု ခေတ္တဖြစ်ပွားခဲ့ရာမှ ယနေ့ ပြန်လည်ဖွင့်လှစ်လိုက်သော်လည်း နယ်စပ်သွားလာမှုမှာ ပုံမှန်မဖြစ်သေးဟု သိရသည်။

အောက်တိုဘာလ ၃၀ရက်နေ့တွင် စတင်ဖြစ်ပွားခဲ့သည့် အဆိုပါတင်းမာမှုသည် တဖက်နှင့်တဖက် နယ် မြေကျူးကျော်မှုကြောင့်ဖြစ်ပြီး နယ်စပ်ဖြတ်ကျော်ခွင့်ကို နှစ်ဖက်အာဏာပိုင်များက ခေတ္တပိတ်ပင်ခဲ့ရာ ယခုပြန်လည်ဖွင့်လှစ်ခဲ့သော်လည်း ယခင်လို လူအစုလိုက်အပြုံလိုက် ဖြတ်ကျော်ခွင့် မပေးသေးကြောင်း ဘုရားသုံးဆူမှ ဒီကေဘီအေ တပ်မှူးတဦးက ပြောသည်။

၎င်းက “၃၀ရက်နေ့ ညနေ ၆နာရီမှာ မြန်မာဘက်က စပိတ်တယ်။ နယ်စပ် ပြဿနာကနေစဖြစ်တာပါ။ ကျနော် သိရသလောက်ဆိုရင် ဗမာစီးပွားရေးသမားတွေက အဲဒီဖြစ်ပွားတဲ့ ကွင်းပြင်ကို ဂေါ့ဖ်ကွင်းတ ကွင်းလုပ်ဖို့ မြက်တွေဘာတွေ လာစိုက်တဲ့အချိန်မှာ ထိုင်းနယ်စပ်လုံခြုံရေးတွေက လက်မခံကြဘူး၊ အဲဒီ ကနေပြီး တဘက်နဲ့တဘက် မပြေမလည်ဖြစ်ပြီးတော့ မြန်မာဘက်က နယ်စပ်သွားလာမှု ပိတ်ပစ်လိုက် တယ်။ အခု ပြန်ဖွင့်လာပေမယ့်လည်း လူတွေ အုပ်စုလိုက် သွားလာလို့ မရဲကြသေးဘူး”ဟု ပြောသည်။

ယခုဖြစ်ပွားသည့် တင်းမာမှုသည် မြို့နယ်အဆင့်ထိဖြစ်ပွားသည်မဟုတ်ဘဲ နယ်စပ်ရှိ စီးပွားရေးသမား များ အချင်းချင်း စတင်ဖြစ်ပွားရာမှ နယ်စပ်လုံခြုံရေးတပ်ဖွဲ့အထိ ရောက်ရှိကာ တင်းမာမဏ ဖြစ်ပွား သွားခြင်းဖြစ်ကြောင်း ဘုရားသုံးဆူမြို့တဖက်ကမ်း ထိုင်းနိုင်ငံဘက်ခြမ်းတွင် နေထိုင်သည့် ထိုင်းကျန်းမာ ရေးဝန်ထမ်းတဦးက ကေအိုင်စီကို ပြောသည်။

သူက “နှစ်ဘက် စီးပွားရေးသမား အချင်းချင်းကနေ စဖြစ်ပြီးတော့ ထိုင်းဘက်က စီးပွားရေးသမားတွေ က ထိုင်းလုံခြုံရေးတပ်ဖွဲ့တွေနဲ့ ညှိနှိုင်းပြီးတော့ ဗမာဘက်က ပိတ်သလို ထိုင်းဘက်ကလည်း ပြန်ပိတ် တာပဲ”ဟု ပြောသည်။

ထိုင်းနှင့် မြန်မာနယ်နိမိတ်ဆက်စပ်နေသည့် ဘုရားသုံးဆူမြို့၏ နယ်မြေတည်ဆောက်ပုံအရ မြန်မာဘက် က (၈၀)ရာခိုင်နှုန်းခန့် ဆက်စပ်လျှက်ရှိပြီး ထိုင်းဘက်က (၂၀)ရာခိုင်နှုန်းခန့်သာရှိမည်ဟု မြို့ခံများ၏ ပြောပြချက်အရ သိရှိရသည်။

ယင်းသို့ နယ်စပ်ယာယီပိတ်ပင်မှုမှာ စီးပွားရေးသမားများအတွက် ကြီးမားသည့် နစ်နာမှုများ မရှိသော် လည်း ထိုင်းဘက်ကမ်းရှိ စက်ရုံအလုပ်ရုံ (၉)ခုတွင် နေ့ချင်းပြန်စနစ်ဖြင့် သွားရောက်အလုပ်လုပ်ကိုင်နေ ကြသည့် မြန်မာအလုပ်သမား (၁,၀၀၀)ကျော်အတွက်မူ နစ်နာမှုများစွာ ရှိသည်ဟု သိရသည်။

ယခုဖြစ်ပွားခဲ့သည့် နယ်စပ်ပြဿနာသည် ဘုရားသုံးဆူမြို့၏ အရှေ့မြောက်ဘက်ခြမ်းတွင်တည်ရှိပြီး အဆိုပါကွင်းပြင်သည် လွန်ခဲ့သည့် ၄နှစ်ခန့်ကလည်း ထိုင်းအာဏာပိုင်များနှင့် မြန်မာအာဏာပိုင်များအ ကြား အလားတူ တင်းမာမှု ဖြစ်ပွားခဲ့ရာမှ ထိုင်းဖက်က ၎င်းတို့ ဆောက်ထားသည့် အဆောက်အဦများကို ပြန်ဖျက်ပေးခဲ့ရကြောင်း ဘုရားသုံးဆူမြို့ခံများ၏ ပြောပြချက်အရ သိရသည်။

ထိုင်းနှင့် မြန်မာနှစ်နိုင်ငံသည် နယ်နိမိတ်ရှည်လျားစွာ ဆက်စပ်နေသော နိုင်ငံဖြစ်ပြီး နှစ်နိုင်ငံကြားတွင် စီးပွားရေးပဋိပက္ခကြောင့် နယ်စပ်ပိတ်ပင်မှုများ မကြာခဏ ဖြစ်ပွားခဲ့ဘူးသည်။

ဖတ်ပြီးပြန်ခေါက်သိမ်းပေးခဲ့ပါ...

မဲဆောက်ရှိ ကရင်ခေါင်းဆောင် နေအိမ်များကို ထိုင်းက ဝင်စစ်

ယနေ့ နံနက်ပိုင်းတွင် ထိုင်းနိုင်ငံ၊ မဲဆောက်မြို့ရှိ ကရင် အမျိုးသား အစည်းအရုံး (KNU) ခေါင်းဆောင်များ၏ နေအိမ်သို့ ထိုင်းစစ်တပ်နှင့် ရဲတပ်ဖွဲ့ဝင်များ ဝင်ရောက် ရှာဖွေရာ KNU ဗိုလ်မှူးကြီး နာဒါးမြ၏ ဇနီး နေအိမ်၌ မိုင်းဗုံးနှင့် ပတ်သက်သည့် ခဲယမ်းမီးကျောက် တချို့ တွေ့ရသဖြင့် သူ၏ဇနီးကို ဖမ်းဆီးထားကြောင်း KNU သတင်းရပ်ကွက်က ပြောသည်။

“KNU ခေါင်းဆောင် အိမ်တွေကို မနက် ၆ နာရီမှာ ဝင်တယ်၊ အဓိက လက်နက်ခဲယမ်းမီးကျောက် ရှာတာ၊ ထိုင်းစစ်တပ်က အတိုက်အခံ ရုံးတွေပါ ဝင်စစ်မယ်လို့ ပြောတယ်” ဟု KNU အဖွဲ့ဝင်တဦးက ပြောသည်။

ဗိုလ်ချုပ် တာမလာဘော၊ ဒုဥက္ကဋ္ဌ စောဒေးဗစ် သာကပေါ၊ အထွေထွေ အတွင်းရေးမှူး နော်စီဖိုးရာစိန် နှင့် KNU စစ်ရေး၊ နိုင်ငံရေး ခေါင်းဆောင်များ၏ နေအိမ် ၁၀ အိမ်ခန့် ရှာဖွေခံရသည်ဟု ဆိုသည်။

KNU ခေါင်းဆောင်ဟောင်း ကွယ်လွန်သူ ဗိုလ်ချုပ်ကြီး စောဘိုမြ၏ သားဖြစ်သူ ဗိုလ်မှူးကြီး နာဒါးမြသည် ယခုနှစ်ဆန်းပိုင်းတွင် ထိုင်းနိုင်ငံအတွင်း လက်နက် တရားမဝင် ကိုင်ဆောင်မှုဖြင့် ထိုင်းအာဏာပိုင်များက တရားစွဲဆိုခဲ့ဖူးသည်။

ဝင်ရောက် စစ်ဆေးမည့် သတင်းကို ကြိုတင် ကြားသိ ထားသဖြင့် ယမန်နေ့က ကရင်ပြည်နယ်၊ မြ၀တီမြို့ တဘက်ကမ်းရှိ မဲဆောက်မြို့မှ စာသင်ကျောင်းတချို့ နှင့် မြန်မာာပြည်အရေး လှုပ်ရှားနေသော အဖွဲ့အစည်းတို့ ရုံးခန်းများ၊ ပိတ်ထားကြောင်း သိရသည်။

ယခုနှစ် အစောပိုင်းမှစ၍ ထိုင်းအာဏာပိုင်များက KNU စစ်ဘက် ထိပ်ပိုင်းခေါင်းဆောင်များကို မြန်မာပြည်ရှိ ၎င်းတို့ ထိန်းချုပ်ထားသည့် နယ်မြေသို့ ပြန်ရန် ဖိအားပေးခဲ့သည်။

မြန်မာစစ်အစိုးရနှင့် အပစ်အခတ် ရပ်စဲခြင်း မရှိသေးသော KNU သည် ၁၉၉၅ ခုနှစ်တွင် ၎င်း၏ မာနယ်ပလော ဌာနချုပ် တိုက်ခိုက်ခံခဲ့ရပြီး နောက်ပိုင်း တဖြည်းဖြည်း အင်အား လျော့နည်းလာသည်။

ပြီးခဲ့သည့် နှစ်များ အတွင်း KNU ခေါင်းဆောင် ဗိုလ်ချုပ်ကြီး စောဘိုမြ ကွယ်လွန်ခြင်း၊ အထွေထွေ အတွင်းရေးမှူး ဖဒိုမန်းရှာ ထိုင်းနိုင်ငံတွင် လုပ်ကြံခံရခြင်း၊ KNU ထိန်းချုပ်သည့် နယ်မြေ အများအပြား ဆုံးရှုံးခြင်း၊ အောက်ခြေတပ် တချို့ စစ်အစိုးရနှင့် သွားရောက် ပူးပေါင်းခြင်းတို့ ဆက်တိုက် ဖြစ်ပွားခဲ့သည်။

ဧရာဝတီမှကူးယူဖော်ပြသည်။

ဖတ်ပြီးပြန်ခေါက်သိမ်းပေးခဲ့ပါ...

မြ၀တီမှာ ပေါက်ကွဲမှုဖြစ် အရပ်သား သေဆုံးထိခိုက်မှုရှိ

အောက်တိုဘာလ ၂၄ရက်။ ကေအိုင်စီ

ထိုင်း-မြန်မာနယ်စပ် မြ၀တီမြို့တွင် ယနေ့ည ၈နာရီခွဲကျော်အချိန်တွင် ဗုံးပေါက်ကွဲမှုတခုဖြစ်ပွားရာ အရပ် သားတဦး သေဆုံးပြီး ၂ဦး ဒဏ်ရာရရှိခဲ့သည်ဟု ကေအိုင်စီက စုံစမ်းသိရှိရသည်။

အမည်မဖော်လိုသူ မြ၀တီမြို့ခံတဦးက “အခုလေးတင်ပဲ ဗုံးပေါက်ကွဲသံအသံကြားလိုက်တယ်။ အသံက တော့ မိချောင်းကုန်းဘက်ကပဲ။ လက်ပစ်ဗုံးနဲ့ လှမ်းပစ်တာလို့ ပြောနေကြတယ်။ သုံးယောက်ထိတယ်။ တယောက်က ပွဲချင်းပြီးပဲ။ ဒဏ်ရာရတဲ့သူကိုတော့ မြ၀တီဆေးရုံကို ခေါ်သွားပြီ”ဟု ပေါက်ကွဲမှုဖြစ်ပြီးပြီး ချင်း ကေအိုင်စီကို ပြောသည်။

ယင်းသို့ ဗုံးပေါက်ကွဲခြင်းမှာ ဝေါ်လေအခြေစိုက် ဒီကေဘီအေ (၉၀၇)တပ်သားတဦးက မြ၀တီမြို့၊ မိုက် ခရိုဝေ့ဗ်အနီးရှိ အငှားအိမ်တန်းလျားတွင် အလည်လာရာမှ သူယူဆောင်လာသည့် လက်ပစ်ဗုံးမှာ ခလုတ် ပင်ပြုတ်ပြီး ပြန်တပ်မရတော့သဖြင့် လွတ်ချရာမှ ပေါက်ကွဲသွားခြင်းဖြစ်သည်ဟု နီးစပ်သူများက ပြောပြ သည်။

ထိုသို့ လက်ပစ်ဗုံးကို လွတ်ချဖောက်ခွဲလိုက်သူ ဒီကေဘီအေတပ်သားမှာ ထွက်ပြေးသွားပြီး အိမ်တွင် ကျန်ရစ်ခဲ့သည့် အိမ်ရှင်လင်မယားနှင့် အမျိုးသမီးတဦးကို ထိမှန်ကာ အမျိုးသားမှာ ပွဲချင်းပြီး သေဆုံး သွားခဲ့သည်ဟု ကိုယ်တိုင် သွားရောက်ကြည့်ရှုခဲ့သူတဦးက ယခုလို ပြောသည်။

“အဲဒီရဲဘော်လေးက သူ့ရည်းစားဆီလာလည်တာ။ သူယူလာတဲ့ လက်ပစ်ဗုံးက ပင်ပြုတ်သွားတယ်။ အဲဒါ ကို ပြန်တပ်တာမရတော့ ပေါက်တော့မှာပဲဆိုပြီး လွတ်ချပြီး ထွက်ပြေးသွားတယ်။ အဲဒီအိမ်က လင်မယား နှစ်ယောက်ထဲက ယောက်ျားလုပ်သူက ပွဲချင်းပြီးသေတယ်။ သူ့မိန်းမက ခြေထောက်မှာ ဒဏ်ရာရလို့ ဆေးရုံကို ပို့လိုက်တယ်။ အခြားအမျိုးသမီးတယောက်က နည်းနည်းပွန်းပဲ့ရုံပဲလေ”ဟု ဆိုသည်။

လက်ရှိအချိန်တွင် ဗုံးပေါက်ကွဲသည့်နေရာတ၀ိုက်တွင် မည်သူ့ကိုမျှ ဖြတ်သန်းသွားလာခွင့် တားမြစ်ထား ပြီး အဆိုပါလက်ပစ်ဗုံး လွတ်ချဖောက်ခွဲလိုက်သူ ဒီကေဘီအေတပ်သားကို ဖမ်းဆီးမရသေးကြောင်း သိရ သည်။

ယခု ဗုံးပေါက်ကွဲသည့်နေရာမှာ မြ၀တီမြို့၊ အမှတ်(၄)ရပ်ကွက်၏ အပိုင်နယ်မြေ မိချောင်းကုန်းအနီးတွင် ဖြစ်ပြီး ၎င်းမိုက်ခရိုဝေ့ဗ်၏ ကားလမ်းမတဖက်တွင်မူ ဒီကေဘီအေ(၉၀၇)မှ ဗိုလ်မုတ်သုန်၏ နေအိမ်ရှိ သည်ဟု ဒီကေဘီအေ အသိုင်းအ၀ိုင်းနှင့် နီးစပ်သူတဦး၏ ပြောပြချက်အရ သိရသည်။

ဖတ်ပြီးပြန်ခေါက်သိမ်းပေးခဲ့ပါ...

နယ်လှည့်ကျောပိုးအိတ် ကျန်းမာရေးလုပ်သားများအဖွဲ့ တာဝန်ခံ ဆရာမန်းမန်းနှင့် တွေ့ဆုံမေးမြန်းခန်း

ubmitted by Karen Information Center on October 20, 2009 – 6:50 am

- ပြီးခဲ့တဲ့ စက်တင်ဘာလကစပြီး ဖာပွန်ခရိုင်မှာ ရာသီအလိုက်ဖြစ်တဲ့ တုပ်ကွေးရောဂါ ကူးစက်မှုတွေ ဖြစ်ခဲ့တယ်လို့ ကြားခဲ့ရတယ်။ အဲဒါ ဘယ်ဒေသတွေမှာပါလဲ။

ဒီတုပ်ကွေးရောဂါ စဖြစ်တာကတော့ ဖာပွန်ခရိုင်၊ လူသောမြို့နယ်မြောက်ပိုင်းက ရွာကနေပေါ့နော်။ အဲဒီမှာ တရွာ၊ နှစ်ရွာ စဖြစ်တယ်။ အဲဒီကနေပြီး လေး ငါး ခြောက်ရွာလောက် ထပ်မံ ကူးစက်ပြန်တယ်။ တပတ်အတွင်းမှာ လူ ၃၀၀ကျော် ကူး စက်သွားတယ်။ အဲဒီကနေပြီးတော့မှ ကျန်းမာရေးစောင့်ရှောက်မှု၊ ကျန်းမာရေးပညာပေး လုပ်ငန်းတချို့နဲ့ ဆောင်ရွက်ပေးတဲ့အ တွက်ကြောင့် နှစ်ပတ်၊ သုံးပတ်မှာတော့ ပျောက်ကင်းသွားတာပေါ့နော်။ အဲဒီနောက်ပိုင်းမှာ ကြီးကြီးမားမား ထပ်မဖြစ်တော့ဘူး ဆိုပေမဲ့ ကျန်းမာရေးစောင့်ရှောက်မှုကိုတော့ အခုထိ ဆက်လုပ်နေတုန်းပဲ။ ဖြစ်သွားတာကတော့ ရွာပေါင်း ၂၀ကနေ ၃၀ လောက်အထိ ရှိတယ်။ အခုဆို ရွာတွေ အတော်များများ ပျောက်ကင်းသွားပြီး ၇ရွာ၊ ၈ရွာလောက်ပဲ ကျန်တော့တယ်။

- ဒီတုပ်ကွေးရောဂါဟာ ဘယ်လိုကြောင့် အလျင်အမြန် ကူးစက်သွားရတာလဲ။ လက်ရှိမှာ ဘယ်လောက်အထိ စိုးရိမ်ရတဲ့ အ နေအထား ဖြစ်နေပါသလဲ။
ရောဂါကူးစက်မှု တအားများတယ်ဆိုတာကလည်း အရင် ပုံမှန်ရွာ အနေအထားမျိုး မဟုတ်ဘဲနဲ့ စုပေါင်းနေထိုင်ကြ တော့ ကူးစက်မြန်တာလည်း ပါတယ်။ မကြာသေးခင်က အဲဒီဂွင်က တောင်ယာ (၄)ခင်းကိုလည်း နအဖ စစ်တပ်က မီးရှို့ဖျက် ဆီးသွားတာ ရှိတယ်။ လူတွေက ကြောက်ရွံ့ထိတ်လန့်မှုတွေနဲ့အတူ ထွက်ပြေးနေကြတော့ စိစစ်မယ်ဆိုရင် ရောဂါကူးစက်နှုန်း က ပိုများလာတာပေါ့။
လက္ခဏာအရ ပြန်ကြည့်မယ်ဆိုရင် အဓိက ကတော့ တုပ်ကွေးပေါ့နော်။ သို့သော်လည်းပဲ တခုစိုးရိမ်စရာက အခုပေါ် နေတဲ့ ၀က်တုပ်ကွေးလား ဆိုတဲ့ဟာမျိုးတွေ စဉ်းစားစရာ ဖြစ်တဲ့အခါကျတော့ သူတို့ရဲ့ သလိပ်တွေကိုယူပြီး မဲဆောက်ဆေးရုံ ကို ပို့ပြီးတော့မှ စစ်ဆေးတာပေါ့နော်။ ဒီတံထွေးသလိပ်တွေကို နှစ်ပတ်၊ သုံးပတ်အတွင်းမှာ အဖြေပြန်ရတာကတော့ ရာသီအ လိုက်ဖြစ်တဲ့ လူကနေ လူကို ကူးစက်တဲ့တုပ်ကွေးပဲ။ ၀က်တုပ်ကွေးဆိုတဲ့ တုပ်ကွေးအသစ်မျိုးတော့ မဟုတ်ဘူး။ ဒါပေမဲ့ တုပ်ကွေးရောဂါက အသစ်ဖြစ်စေ၊ အဟောင်းဖြစ်စေ ကာကွယ်စောင့်ရှောက်မှု အသေအချာ မပေးနိုင်ရင်တော့ နှစ်မျိုးစလုံးက စိုးရိမ်စရာချည်းပဲ။

- ရောဂါဖြစ်ပွားတဲ့ ဒေသတွေဟာ နအဖ စစ်အစိုးရရဲ့ ထိန်းချုပ်မှုအောက်မှာရှိတဲ့ ဒေသတွေများလား။ ဒါဆို အစိုးရကျန်းမာ ရေးဌာနတွေကရော ဘယ်လိုကုသစောင့်ရှောက်မှုမျိုးတွေ ရှိပါသလဲ။
ရောဂါဖြစ်တဲ့ ဒေသတွေကတော့ နအဖရဲ့ အုပ်ချုပ်ဒေသမှာ မဟုတ်ပါဘူး။ မဟုတ်တဲ့အပြင် နအဖ စစ်အစိုးရကနေ နှိမ်နင်းတဲ့ဒေသတွေ ဖြစ်နေတယ်။ တချိန်တည်းမှာ ပြီးခဲ့တဲ့လကပဲ နအဖ ထိုးစစ်ဆင်ဖို့ သတင်းရနေတဲ့အခါ ကျတော့ အဲဒီ ကျေးရွာတွေက ရွာသားတွေကလည်း ရွာထဲမှာ မနေရဲတော့ဘဲနဲ့ တောထဲမှာ စုပုံပုန်းအောင်း လာကြတာပေါ့။ များသောအား ဖြင့် ရွာပုန်းရွာရှောင် ရွာသားတွေဖြစ်တယ်။ ဒါကြောင့် အစိုးရရဲ့ ကျန်းမာရေးဌာန တွေနဲ့ အလှမ်းဝေးနေတဲ့ ဒေသတွေချည်းပဲ ဖြစ်တယ်။

- ရောဂါခံစားနေရတဲ့ လူနာတွေကို ဘယ်ကျန်းမာရေး အဖွဲ့အစည်းတွေက ကူညီလုပ်ဆောင်ပေးနေပါသလဲ။
ဖာပွန်ခရိုင်အတွင်းက မိမိတို့ နယ်မြေဒေသမှာရှိထားတဲ့ ကျနော်တို့ အခြေခံကျန်းမာရေးစောင့်ရှောက်မှု အဖွဲ့ အစည်း ဖြစ်တဲ့ ကျန်းမာရေးနဲ့ ကယ်ဆယ်ရေးဌာနက ဆေးမှူးတွေရယ်၊ နောက် နယ်လှည့်ကျောပိုးအိတ် ဌာနက ဆေးလုပ်သားအဖွဲ့ တွေရယ်၊ နောက် ဒေါက်တာစင်သီယာမောင်ကနေ ပံ့ပိုးပေးထားတဲ့ ဆေးခန်းတွေရယ် စုစုပေါင်း ကျနော်တို့ ကျန်းမာရေးဝန် ထမ်း အယောက် ၂၀နီးပါးက သုံးလေးငါးဖွဲ့ ခွဲပြီးတော့မှ စုစည်းဆောင် ရွက်ပေးနေတာ ဖြစ်ပါတယ်။ ကျနော်တို့ဆီမှာ နယ်ဆင်း တယ်ဆိုတာထက် နယ်မြေအတွင်းမှာရှိတဲ့ ကိုယ့်ဒေသရဲ့ ကျေးရွာတွေက ကျန်းမာရေးလုပ်သားတွေပဲ ပြုစုကုသတာ ဖြစ် တယ်။
ကလေးတယောက် ဆုံးသွားတာကတော့ အဓိက ရောဂါနောက်ဆက်တွဲဖြစ်တဲ့ အအေးမိ၊ အဆုပ်အအေးမိရောဂါ တွေနဲ့ ကျနော်တို့ လက်လှမ်းမမီဘဲ နောက်ကျသွားတဲ့အတွက် ဖြစ်ကောင်းဖြစ်နိုင်တယ်။ နောက် ကလေးက လည်း ငယ်နေ သေးတဲ့အခါကျတော့ ခံနိုင်ရည်မရှိတာလည်း ပါတာပေါ့။ တဖက်မှာလည်း ပြေးလွှားပုန်းအောင်း ဆောင်ရွက်နေရတဲ့အပေါ်မှာ လည်း သေသေချာချာ မပြုစု၊ မစောင့်ရှောက်နိုင်ခဲ့ဘူး။ တချိန်တည်းမှာ ရွာပုန်းရွာ ရှောင်ဖြစ်နေတော့လည်း ဆောင်ရွက်ဖို့ အခက်အခဲ အများကြီး ရှိတာပေါ့။ ကျနော်တို့ အတတ်နိုင်ဆုံး စုပေါင်းဆောင်ရွက်တဲ့အခါကျတော့ နောက်ထပ် သေဆုံးမှုတော့ မရှိတော့ပါဘူး။

- အရင်နှစ်တွေက အဲဒီဒေသမှာ ဒီလိုရာသီအလိုက် တုပ်ကွေးရောဂါ ဖြစ်ပွားမှု အခြေအနေလေးကို ပြန်ပြောပြပေးပါလား။
ရာသီအလိုက် တုပ်ကွေးကတော့ နှစ်တိုင်းလိုလို ဖြစ်တာပဲ။ ကျနော်တို့ သတိမထားတာ ဖြစ်ကောင်းဖြစ်မယ်။ ပြီးခဲ့တဲ့ နှစ်ကလည်း စဖြစ်တာပဲ။ ဒါပေမယ့် သတိမထားမိဘူးဆိုတာက အခုလိုမျိုး ဒီလောက်ထိ မြန်မြန်ဆန်ဆန် ကူးစက်တာမျိုး တော့ မရှိဘူးပေါ့နော်။ ကြိုကြားကြိုကြားနဲ့ ပုံမှန်ဖြစ်နေတဲ့အပေါ်မှာ ကျန်းမာရေးစောင့်ရှောက်မှု လုပ်ငန်းနဲ့ ကုသမှုလုပ်ငန်း အပေါ်မှာ ကျနော်တို့ ထိန်းထားနိုင်ခဲ့တယ်။ ဒါပေမယ့် ဒီနှစ်မှာ ကူးစက်မှုနှုန်း တအား မြန်ဆန်တဲ့အခါကျတော့ ကျနော်တို့ ပိုမို ပြီးတော့လည်း ဒီထက် အင်အားထုတ်ပြီးတော့မှ ဆောင်ရွက်ရတာပေါ့။ အခြေအနေကိုလည်း ကျနော်တို့ စိုးရိမ်မိတော့ လိုအပ် တဲ့ ရောဂါရှာဖွေဖော်ထုတ်တဲ့ နည်းစနစ်ကအစ ဆောင်ရွက်ပေးရတယ်။ အမှန်အားဖြင့် ပြီးခဲ့တဲ့နှစ်တွေမှာလည်း ဒီရောဂါဟာ ပုံမှန်ဖြစ်ခဲ့တာပါပဲ။

- အဲဒီဒေသတွေမှာ ကျန်းမာရေးလုပ်ငန်းတွေ ထိရောက်အောင် လုပ်ဆောင်နိုင်ဖို့ ဘယ်လိုအခက်အခဲတွေရှိပြီး လတ်တလော အနေအထားလေးနဲ့ ဘယ်လိုလုပ်ဆောင်သင့်တယ်ဆိုတာကို အနည်းငယ် ပြောပြပေးစေချင်ပါတယ်။
ကျနော်တို့ ကာကွယ်မှုလုပ်ငန်းတွေ ဆောင်ရွက်ရတာတော့ ထိရောက်မှုက အများကြီး အကန့်အသတ်တော့ ရှိတာ ပေါ့။ ဘာဖြစ်လဲဆိုတော့ တောတောင်ထူထပ်တယ်။ ရွာသားတွေကလည်း ထွက်ပြေးပုန်းအောင်းရတယ်။ မတည်ငြိမ်တဲ့ဒေသ မှာ ကျန်းမာရေးနဲ့ တကိုယ်ရေသန့်ရှင်းရေးကအစ ပညာပေးမှုတွေ တကယ့်လက်တွေ့ လုပ်ဆောင်ပေးသော်ငြားလည်းပဲ လိုအပ်တဲ့အခြေအနေတွေ အများကြီး ရှိနေသေးသလို အဟန့်အတား တွေလည်း အများကြီးရှိတာပေါ့နော်။ လက်ရှိ ကုသမှုအ ပိုင်းမှာ ကျန်းမာရေးဝန်ထမ်းတွေအနေနဲ့ အတတ်နိုင်ဆုံး စုပေါင်းဆောင်ရွက်တဲ့အခါကျတော့ အလှမ်းဝေးလို့ အရောက်နောက် ကျပြီး သေဆုံးသွားရတဲ့ ကလေးငယ် တယောက်ကလွဲရင် ကျန်တာတွေတော့ အသေအပျောက် မရှိဘူး။ ဘယ်လိုပဲဖြစ်ဖြစ် ဆေးဝါးကုသမှုနဲ့ ကျန်းမာရေးပညာပေးမှုတွေ ပိုထိရောက်ဖို့က နယ်မြေတည်ငြိမ်မှုအပေါ်မှာလည်း အများကြီး မူတည်ပါတယ်။

ဒီတုပ်ကွေးရောဂါတိုက်ဖျက်ရေးကို ဒီထက်ပိုပြီးတော့ ထိထိရောက်ရောက် လုပ်ဆောင်နိုင်ဖို့ ပညာပေးလုပ်ငန်းတွေ ဆက်ပြီးတော့ ဆောင်ရွက်သွားဖို့ လိုတယ်။ တချိန်တည်းမှာပဲ တုပ်ကွေးရောဂါအသစ်ဖြစ်တဲ့ ၀က်တုပ်ကွေးဆိုတဲ့ ကမ္ဘာ့ လူ့ တုပ်ကွေးအပေါ်မှာလည်းပဲ ဖြစ်နိုင်ရင် ကျနော်တို့ အမြဲတမ်း အကဲခတ်ပြီးတော့မှ စဉ်ဆက်မပြတ် စောင့်ကြည့်လေ့လာဖို့တော့ လိုအပ်ပါတယ်။

ဖတ်ပြီးပြန်ခေါက်သိမ်းပေးခဲ့ပါ...

ရင်ဆိုင်တိုက်ပွဲကြောင့် ဒီကေဘီအေ ၄ဦး သေဆုံး

အောက်တိုဘာလ ၁၅ရက်။ စောသိန်းမြင့်(ကေအိုင်စီ)

ကရင်ပြည်နယ်၊ ဖားအံခရိုင်၊ ပိုင်ကျုံမြိ့နယ်ရှိ ကေအဲန်ယူ တပ်မဟာ (၇)နယ်မြေတွင် ကရင်အမျိုးသား လွတ် မြောက်ရေးတပ်မ တော်(ကေအဲန်အယ်လ်အေ)နှင့် တိုးတက်သောဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)တပ်ဖွဲ့တို့ကြား ယမန် နေ့က ထိပ်တိုက်ရင်ဆိုင်တိုက်ပွဲတခု ဖြစ်ပွားခဲ့ရာ ဒီကေဘီအေဘက်က တပ်သား (၄)ဦး ကျဆုံးခဲ့သည်ဟု သတင်းရရှိသည်။

ယမန်နေ့ မနက်အစောပိုင်းတွင် ဒီကေဘီအေ (၉၉၉)တပ်မဟာ လုံခြုံရေးတပ်ဖွဲ့တပ်ခွဲ(၂)ခွဲနှင့် (၉၉၉)တပ်ရင်း (၄)မှ တပ်ဖွဲ့ ၀င်တို့ပူးပေါင်းပြီး စုစုပေါင်းတပ်အင်အား(၆၀)ခန့်သည် နယ်မြေရှင်းလင်းရန်အတွက် ကေအဲန်အယ်လ်အေတပ်ဖွဲ့များ၏ တည် ရှိရာနေရာများကို လိုက်လံရှာဖွေခဲ့ရာမှ တိုက်ပွဲဖြစ်ပွားခဲ့ခြင်းဖြစ်သည်ဟု ကေအဲန်အယ်လ်အေ တပ်ရင်း(၂၂) ဒုတပ်ရင်းမှူး ဗိုလ်မှူးစောဒီ့ကွယ်က ယခုလို ပြောသည်။

သူက “မနေ့မနက် (၄)နာရီမှာ တပ်ခွဲမှူး ဗိုလ်ကြီးမောင်လှသိန်း၊ ငြိမ်းအောင် ဦးစီးတဲ့ ဒီကေဘီအေ (၉၉၉) တပ်မဟာ လုံခြုံ ရေးတပ်ဖွဲ့ရယ်၊ ချားကလယ် ဦးစီးတဲ့ (၉၉၉) တပ်ရင်း(၄)က တပ်ဖွဲ့ရယ်ဟာ ကျနော်တို့ဘက်က တပ်ခွဲမှူး ဗိုလ်ကြီးပေါလူ ဦး ဆောင်တဲ့ တပ်ရင်း (၂၂)တပ်ဖွဲ့နဲ့ ပနွယ်ပူမှာ တိုက်ပွဲဖြစ်ခဲ့တယ်။ (၉၉၉)တပ်မဟာ လုံခြုံရေးတပ်ဖွဲ့က (၄)ယောက်သေတယ်။ ကျနော်တို့ဘက်ကတော့ ကြိုစောင့်ပြီးပစ်တဲ့အတွက် တယောက်မှ မထိဘူး”ဟု ပြောသည်။

မိနစ်(၂၀)ကြာ အပြန်အလှန် ပစ်ခတ်ခဲ့ကြသည့် အဆိုပါရင်ဆိုင်တိုက်ပွဲတွင် ဒီကေဘီအေတပ်ဖွဲ့မှ အကျအဆုံးများ ရှိခဲ့ကြ သော်လည်း နှစ်ဖက်တပ်ဖွဲ့များက လက်နက်ခဲယမ်း တစုံတခုမှ သိမ်းဆည်းရမိခြင်းမရှိဟု ဗိုလ်မှူးစောဒီ့ကွယ်က ပြောသည်။

ထိုတိုက်ပွဲဖြစ်ပွားခဲ့ပြီးနောက် ၎င်းဒီကေဘီအေပူးပေါင်းတပ်ဖွဲ့သည် မဲ့လာအားခီး၊ မဲ့လာအားထာ့၊ ကပေါ်လေး စသည့် ကျေးရွာ များသို့် ပြန်လည်ဝင်ရောက်လာပြီး ရွာသားများ၏ ကြက်၊ ၀က်များကို ပိုင်ရှင်များအား တစုံတရာ အသိပေး အကြောင်းကြား ခြင်းမရှိဘဲ အကြောင်းမဲ့ ပစ်သတ်ယူစားခဲ့သည်ဟု သိရသည်။

၎င်းတိုက်ပွဲဖြစ်ပွားရာ ဒေသသည် ပြီးခဲ့သည့် ဇွန်လတုန်းက နအဖ စစ်တပ်နှင့် ဒီကေဘီအေ တပ်မဟာ သုံးခု ပူးပေါင်းကာ ကေအဲန်ယူကို ထိုးစစ်ဆင်ခဲ့ရာနယ်မြေများဖြစ်ပြီး ထိုးစစ်ကြောင့် ဒေသခံကရင်ပြည်သူ ၄,၀၀၀ကျော် ထိုင်းနိုင်ငံ၊ တာ့ခ်ခရိုင်၊ ထာ့ဆောင်ယန်းမြို့ နယ်သို့ ထွက်ပြေးခိုလှုံခဲ့ကြရသည်။ု

တချိန်တည်းတွင် ယနေ့မနက် ၈း၁၀နာရီနှင့် ၁၀း၃၀နာရီအချိန်တွင် ဒီကေဘီအေ (၉၉၉) တပ်ရင်း (၄)မှ တပ်ဖွဲ့ဝင်များသည် မဲ့ လာအားထာ့ ကျေးရွာတွင် မြေမြှုပ်မိုင်းများကို လိုက်လံရှင်းလင်းရာမှ နှစ်ဦး ထပ်မံ ထိခိုက်ဒဏ်ရာရရှိသည်ဟု သိရှိရသည်။

ကေအဲန်ယူ တပ်မဟာ(၇)နယ်မြေတွင် အောက်တိုဘာလလယ်အထိ ကေအဲန်အယ်လ်အေနှင့် ဒီကေဘီအေတို့ကြား ပြောက် ကျားတိုက်ပွဲ ၅ကြိမ်၊ ရင်ဆိုင်တိုက်ပွဲ ၁ကြိမ်ဖြစ်ပွားခဲ့ရာ ဒီကေဘီအေဘက်က ၅ဦးသေဆုံး၍ ၁၅ဦးထိခိုက်ဒဏ်ရာရပြီး ကေ အဲန်ယူဘက်က ထိခိုက်သေဆုံးမှု မရှိကြောင်း ကေအဲန်ယူတပ်မဟာ (၇)ဌာနချုပ်၏ မှတ်တမ်းအရ သိရသည်။

ဖတ်ပြီးပြန်ခေါက်သိမ်းပေးခဲ့ပါ...

ကရင်ပြဿနာအားမြိုင်ကြီးငူဆရာတော် ဦးဆောင်ဖြေရှင်းပေးရန် KNU မှစာရေးပေးပို့။

ကောင်းဝါ(အောက်တိုဘာ-၁၃)။ ။ မိဘပြည်သူတို့၏ဘဝ ငြိမ်းချမ်းသာယာမှုကို ဖော်ဆောင်ရာတွင် ဆရာတော်မှ ဆန္ဒပြုခြင်းထက် ဦးဆောင်မှုအခဏ်းမှ ပါဝင်ဆောင်ရွက်သင့်ကြောင်း ကရင်အမျိုးသားအစည်းအရုံး ဒူးပလာယာ ခရိုင်ဥက္ကဌ စောရွှေမောင်းက မြိုင်ကြီးငူဆရာတော်ဘဒ္ဒန္တသုဇနထံ ယခုလ ၃ ရက်နေ့စွဲဖြင့်ရေးသားပေးပို့ခဲ့သည့် မိတ္တူစာတစ်စောင် လက်ခံရရှိခဲ့သည်။

KNU,DKBA နှစ်ဖက်တပ်ဖွဲ့တို့သည် ဖြစ်ပေါ်ခဲ့သောအတိတ်မှ ဆိုးကျိုးများကို သင်ခန်းစာယူကြ၍ သင်ပုန်းချေကြ ကာ လာမည့်ကရင်နှစ်သစ်ကူးမတိုင်မီ နှစ်ဖက်ပြေလည်သည်အထိ ညှိနှိုင်းဖြေရှင်းသွားကြရန် စက်တင်ဘာလ၂၉ ရက်နေ့က မြိုင်ကြီးငူဆရာတော်ဘဒ္ဒန္တသုဇန ထုတ်ပြန်ခဲ့သော ပန်ကြားချက်ထွက်ပေါ်လာပြီးနောက် KNU မှတရားဝင်ထုတ်ပြန်ချက်ဟု သိရသည်။

အတိတ်မှဆိုးကျိုးကို သင်္ခန်းစာယူအပြန်အလှန်သင်ပုန်းချေ၊ သီးခံခွင့်လွှတ်ကြကာ မတူညီတာတွေကို တူညီမှုရ လာသည်အထိ တွေ့ဆုံညှိနှုိုင်းကာ ပြဿနာ၏ အဖြေရှာဖွေသည့်နည်းလမ်းကို အစဉ်လက်ခံနေကြောင်း စောရွှေ မောင်း၏ ပေးစာတွင်ရေးသားဖေါ်ပြထားပါသည်။



KNU မှမြိုင်ကြီးငူဆရာတော်ထံ ရေးသားပေးပို့သောစာ

“ဒီစာကတပ်မဟာ ၆ ရဲ့အမြင်ဆိုပေမယ့် KNU ဗဟိုရဲ့အမြင်လည်းဖြစ်ပါတယ်” ဟု ဒူးပလာယာခရိုင် သတင်းနှင့်ပြန်ကြားရေးတာဝန်ခံ ဗဒိုစောထဲနေနှင့် တွေ့ဆုံမေးမြန်းချက်တစ်ရပ်တွင် ပြောကြားခဲ့ပါသည်။

ဗဒိုစောထဲနေက “အခုအချိန်ထိ ကျနော်တို့နဲ့ ဒီကေဘီအေတပ်ဖွဲ့တွေ ထိပ်တိုက်မဖြစ်ကြအောင်ရှောင်ရှား နေကြပါတယ်၊ ဒါပေမဲ့ နအဖတပ်ကိုတော့ ပြောက်ကျားနည်းနဲ့ချေမှုန်းနေတာ သူတို့အတော်လေး အထိနာခဲ့တယ်” ဟု ဆက်လက်ပြောကြားပါသည်။

ဒီကေဘီအေထိပ်ပိုင်းခေါင်းဆောင်များ နယ်ခြားစောင့်တပ်ဖွဲ့ပြောင်းလဲရေးကို နအဖထံကတိပေးထားပြီးဖြစ်သည်။ KNU နှင့် DKBA နှစ်ဖက်အပစ်အခတ်ရပ်စဲလုပ်နိုင်ရန်မှာ နအဖလက်မခံနိုင်သောလုပ်ရပ်ဖြစ်နေသဖြင့် မလွယ်ကူ သောကိစ္စရပ်တစ်ခု ဖြစ်နေသည်ဟု အကဲခတ်များက သုံးသပ်နေကြသည်။

Kaowaoမှကူးယူဖော်ပြသည်။

ဖတ်ပြီးပြန်ခေါက်သိမ်းပေးခဲ့ပါ...

ငါးထောင်တန်ငွေစက္ကူထွက်ရှိပြီးနောက်ပိုင်း ဖားအံတွင် ဆန်ဈေးတက်

အောက်တိုဘာလ ၉ရက်။ စောခါးစူးညား (ကေအိုင်စီ)

မြန်မာနိုင်ငံ၊ ကရင်ပြည်နယ်ရှိ ဖားအံမြို့တွင် အောက်တိုဘာလဆန်းပိုင်းမှစ၍ မြန်မာငွေစက္ကူ ကျပ်(၅)ထောင်တန် ထွက်ရှိ သည့်နောက်ပိုင်း ဆန်ဈေးများ သိသိသာသာ မြှင့်တက်သွားသည်ဟု သိရသည်။ယခင်က ပေါ်ဆန်းမွှေးဆန် တပြည်လျှင် ၉၅၀ကျပ်မှာ ယခု ၁,၁၀၀ကျပ်၊ စီယာဆန် တပြည်လျှင် ၇၅၀ကျပ်မှာ ယခု ၈၅၀ ကျပ်နှင့် ဆန်ကြမ်း တပြည်လျှင် ၅၀၀ကျပ်နှင့် ယခု ၆၅၀ကျပ်အထိ ဈေးတက်လာခဲ့ခြင်းဖြစ်သည်။ယခုလို ဆန်ဈေး ရုတ်တရက် တက်လာရခြင်းနှင့်ပတ်သက်၍ ပြည်သူများအနေဖြင့် စိုးရိမ်မကင်းဖြစ်လာကြောင်း ဖားအံမြို့ခံ တဦးဖြစ်သူ နော်ဝါးဝါးက ကေအိုင်စီကို ယခုလို ပြောသည်။ သူမက “ဒီဆန်ဈေးတက်တာကိုကြည့်ရင် စိုးရိမ်မှုတွေ ဖြစ်လာ တာအမှန်ပဲ။ ဘာဖြစ်လို့လဲဆိုတော့ ပိုက်ဆံဖောင်းပွမှုတွေ ဖြစ်လာနိုင်တယ်လေ။ အခုတောင်မှ စ နေပြီလို့တောင် ပြောလို့ရ တယ်”ဟု ဆိုသည်။ဆက်လက်၍ သူမက “အခုလို ၅ထောင်တန် ထွက်လာတော့ ဈေးဝယ်ရတာ အခက်အခဲအများကြီးရှိတယ်။ အထူးသဖြင့် ဈေး ၀ယ်တဲ့အခါမှာ ငွေပြန်အမ်းရမှာ ပြဿနာတက်တယ်။ အဲလိုဖြစ်ရင် ကုန်ပစ္စည်းတွေ ဒီထက်ပိုဈေးတက်မှာတော့ သေချာ တယ်။ အခု တန်ဖိုးပမာဏနည်းတဲ့ တစ်ရာတန်၊ နှစ်ရာတန်တို့လို ပိုက်ဆံတွေ အသစ်ထပ်ထုတ်တာလည်း မတွေ့ရတော့ဘူး။ ရှိတဲ့ဟာဆိုရင်လည်း ဟောင်းနွမ်းတာတွေပဲ ရှိတော့တယ်။ စီးပွားရေးချွတ်ခြုံနေတဲ့ မြန်မာနိုင်ငံဟာ ဒီအတိုင်းဆိုရင် စိုးရိမ်စ ရာပဲ”ဟု ပြောသည်။ဖားအံမြို့၌ လက်ရှိအချိန်တွင် ကြက်သွန်ဖြူ၊ ကြက်သွန်နီ၊ ငါး၊ ပုဇွန်၊ အားလူး၊ ငါးပိ၊ ဆီ၊ ဆား၊ အချိုမှုန့် စသည့် ဆန် မဟုတ် သော အခြား စားသုံးကုန်ပစ္စည်းများသည် ဆန်ဈေးနှုန်းကဲ့သို့ သိသိသာသာ မြှင့်တက်မှုများ မရှိသေးဟု သိရသည်။ မြန်မာစစ်အစိုးရသည် ယခု အောက်တိုဘာ (၁)ရက်နေ့မှစ၍ (၅,၀၀၀)ကျပ်တန် ငွေစက္ကူအသစ်ကို စတင်ထုတ်ဝေသုံးစွဲတော့ မည်ဖြစ်ကြောင်း မြန်မာ့ရုပ်မြင်သံကြား-MTV သတင်းဌာနမှ စက်တင်ဘာလ ၂၄ရက်နေ့တွင် အသိပေးကြေညာခဲ့သော်လည်း လက်ရှိ သုံးစွဲနေသည့် ငွေစက္ကူနှင့် ငွေသားများမှာ တရားဝင်သုံးစွဲငွေအဖြစ် ဆက်လက်တည်ရှိသေးကြောင်း မြန်မာနိုင်ငံ တော် ဗဟိုဘဏ်က သတင်းထုတ်ပြန်လိုက်သည်။စက်တင်ဘာလ ၂၅ရက်စွဲထုတ် ကြေးမုံသတင်းစာတွင် နေပြည်တော်ရှိ မြန်မာနိုင်ငံတော် ဗဟိုဘဏ်မှ ငါးထောင်ကျပ်တန် ငွေ စက္ကူ အမျိုးအစားသစ်ကို ပြည်သူများအား ၂၀၀၉ ခုနှစ်၊ အောက်တိုဘာလ (၁)ရက်နေ့တွင် ဘဏ်ဖွင့်ချိန်အတွင်း ဗဟိုဘဏ် ငွေကြေးဌာနတွင်လည်းကောင်း၊ ဘဏ်များနှင့် အစိုးရငွေတိုက်များတွင်လည်းကောင်း စတင်ထုတ်ဝေပေးမည်ဟု သတင်းကြေ ညာချက်တွင် ဖော်ပြထားသည်။၁၅ x ၇ စင်တီမီတာအရွယ်ရှိ အဆိုပါကျပ်ငါးထောင်တန်မှာ အနီရောင်ပေါ်လွင်ပြီး ငွေစက္ကူနံပါတ်ကို မြန်မာ၊ အင်္ဂလိပ် နှစ်ဘာ သာဖြင့် ရိုက်နှိပ်ထားရာ အရှေ့ဘက်တွင် ဆင်ဖြူတော်ပုံနှင့် ကျောဘက်တွင် လွှတ်တော်အဆောက်အအုံပုံကို ရိုက်နှိပ်ထား ခြင်းဖြစ်ပြီး ၎င်းငွေစက္ကူသစ်ထုတ်ဝေရခြင်း၏ ရည်ရွယ်ချက်အကြောင်းရင်းကို နအဖ အစိုးရ အာဏာပိုင်များက တိတိကျကျ ရေးသားဖော်ပြထားခြင်းမရှိပေ။ငါးထောင်ကျပ်တန်ငွေစက္ကူသစ်ကို ထုတ်ဝေမည်ဟု စစ်အစိုးရ ကြေညာသည့်နေ့တွင် ရွှေ၊ ငွေကြေးနှင့် ဆန်ဈေးကွက်များ တွင် ဈေးနှုန်းများ မတည်မငြိမ်ဖြစ်ကာ အရောင်းအ၀ယ်များ ခေတ္တရပ်ဆိုင်းခဲ့ရသည့် အခြေအနေမျိုးလည်း ရှိခဲ့ပြီး ထိုင်း-မြန်မာ နယ်စပ် ငွေလဲနှုန်းကိုပါ ရိုက်ခတ်မှုများ ရှိခဲ့သည်။

ဖတ်ပြီးပြန်ခေါက်သိမ်းပေးခဲ့ပါ...

ဖာပွန်ဒေသ၌ ရက်ပိုင်းအတွင်း လူ ၃၀၀ကျော် ကူးစက်ရောဂါဖြစ်ပွား

စက်တင်ဘာ ၂၀ရက်။ နန်းထူးစံ (ကေအိုင်စီ)

ကေအဲန်ယူ ထိန်းချုပ်ရာဒေသဖြစ်သည့် ဖာပွန်ခရိုင် လူသောမြို့နယ်တွင် ယခုလ(၁၁)ရက်နေ့မှစ၍ တုပ်ကွေးရောဂါ အမျိုးအစားဟု ထင်မှတ်ရ သည့် ကူးစက်ရောဂါတခုဖြစ်ပွားရာ ဆယ်ရက်အတွင်း ထိုဒေသရှိ ရွာသူရွာသား ၃၀၀ကျော် ကူးစက်ခံရသည်ဟု သိရသည်။

“လွန်ခဲ့တဲ့အပတ်က စဖြစ်တာ ဆယ်ရက်အတွင်းမှာ လူ ၃၀၀ကျော်လောက် ကူးစက်သွားတယ်။ ကူးစက်မှုနှုန်းက အရမ်းမြန်တယ်။ ရောဂါကူး စက်တဲ့ လူနာ ၆၀ကို ကျနော်တို့ သွေးစစ်ကြည့်ပါတယ်။ ငှက်ဖျားရောဂါများလားပေါ့။ ဒါပေမယ့် ငှက်ဖျားရောဂါပိုးတွေ့တာ တယောက်ပဲ။ ကျန်တဲ့ ၅၉ယောက်က ဘာလက္ခဏာမှ မပေါ်ဘူး။ အဲဒါကြောင့် ရာသီတုပ်ကွေး (ဒါမှမဟုတ်) H5N1 လား။ H1N1 လားပေါ့။ လောလောဆယ် တုပ်ကွေး တခုခုဖြစ်နိုင်တယ်လို့ ကျနော်တို့ ယူဆထားတယ်”ဟု ကေအဲန်ယူ ဖာပွန်ခရိုင် ကျန်းမာရေးတာဝန်ခံ ဆရာစောဝင်းကျော်က ကေအိုင်စီကို ပြော သည်။

ရောဂါကူးစက်ခံရသူများမှာ နှာရည်ယိုခြင်း၊ လည်ချောင်းနာခြင်း၊ ချောင်းအရမ်းဆိုးခြင်း၊ မျက်လုံးနီခြင်း၊ ကိုယ်အပူချိန်မြင့်တက်ခြင်းနှင့် ခေါင်းအ ရမ်းကိုက်ခြင်း စသည့်လက္ခဏာများကို တွေ့ရှိရပြီး နီးစပ်ရာကို အလျင်အမြန် ကူးစက်မှုကြောင့် တချို့မှာ ရောဂါဖြစ်ပွားမှု ပြင်းထန်သော်လည်း ယခုအချိန်ထိ လူနာသေဆုံးမှု မရှိသေးဟု သိရသည်။

အဆိုပါကူးစက်ရောဂါသည် ဖာပွန်မြို့မြောက်ဘက် မိုင် ၃၀ကျော်ကွာဝေးသည့် လူသောမြို့နယ်၊ သေးမူဒဲကျေးနယ်ရှိ ရွာပေါင်း ၇ရွာတွင် ဖြစ်ပွား နေခြင်းဖြစ်ပြီး ထိုဒေသတွင် ဒေသခံလူထု ၁,၈၀၀ ၀န်းကျင်ရှိရာ အလယ်တန်းကျောင်းတကျောင်းမှ ကျောင်းသူကျောင်းသား (၁၇၃)ဦးအနက် (၆၀)ဦး ရောဂါကူးစက်ခံရသဖြင့် ယခုအချိန်တွင် ကျောင်းကို ယာယီပိတ်ထားလိုက်ရသည်ဟု သိရသည်။

ရောဂါခံစားရသည့် လူနာများကို သေးမူဒဲကျေးနယ်ရှိ တာအို့ဒဲရွာဆေးခန်းမှ ဆေးဝန်ထမ်းများက ရောဂါဖြစ်ပွားသူများ၏ နေအိမ်များ၊ ကျေးရွာ များသို့ ကိုယ်တိုင်ကိုယ်ကျ သွားရောက်ကုသပေးလျှက်ရှိသော်လည်း ရုတ်တရက် ရောဂါကူးစက်မှုနှုန်း မြန်ဆန်ပြီး ကူးစက်ဖြစ်ပွားသူ များပြား သည့်အတွက် ဆေးဝါးလုံလောက်မှု မရှိကြောင်း တာအို့ဒဲဆေးခန်းတာဝန်ခံ ဆရာစောညွှန့်ဝင်း၏ ပြောပြချက်အရ သိရသည်။

ယခုကူးစက်သည့် ရောဂါအမျိုးအစား အတိအကျသိရန်အတွက် ဆေးစစ်မှုများကို နယ်စပ်မှတဆင့် ထိုင်းဆေးရုံများသို့ ပို့ဆောင်စစ်ဆေးသွား မည်ဖြစ်ပြီး လက်ရှိအချိန်တွင် ထိုရောဂါကူးစက်မှုကို ထိန်းချုပ်နိုင်ရန်အတွက် ဒေသတွင်း ဆေးဝန်ထမ်းများက ကျေးရွာအတွင်းသို့ ကွင်းဆင်းပြီး ပညာပေးမှုများ၊ ဆွေးနွေးမှုများ လုပ်ဆောင်လျှက်ရှိသည်ဟု သိရသည်။

ခရိုင်ကျန်းမာရေးတာဝန်ခံက “ဘာရောဂါလဲဆိုတာ ကျနော်တို့ အသေအချာ အဖြေသိရအောင် အဆိုးရွားဆုံး လူနာလေးငါးယောက်ရဲ့ သလိပ် တွေကိုယူပြီး ထိုင်းနိုင်ငံဘက်က ဆေးရုံတွေမှာ သွားရောက်စစ်ဆေးဖို့ ကျနော်တို့ စီစဉ်နေပါတယ်။ အခု လတ်တလောမှာတော့ ရွာသားတွေကို တရွာကနေ တရွာကို သွားလာခွင့်တားထားပြီး အခြားကျေးနယ်တွေကို ထပ်ကူးစက်မသွားအောင် ကျနော်တို့ ထိန်းထားပါတယ်”ဟု ဆက်လက် ပြောဆိုသွားသည်။

လွန်ခဲ့သည့် ၂၀၀၈ ခုနှစ်က ဖာပွန်ခရိုင်၊ ဒွဲလိုးမြို့နယ်တွင် ကျေးနယ် သုံးလေးခုလောက် အလားတူ ကူးစက်ရောဂါ ဖြစ်ပွားခဲ့ဖူးသော်လည်း ယခု ကဲ့သို့ ကူးစက်မှုနှုန်း မမြန်သည့်အပြင် ရောဂါဖြစ်ပွားမှုလည်း ပြင်းထန်မှုမရှိဟု သိရသည်။

ဖတ်ပြီးပြန်ခေါက်သိမ်းပေးခဲ့ပါ...

အုန်းဖျန်စခန်း၌ ကရင်တူရိယာ အတီးအမှုတ်နှင့် ဒုံးအကသင်တန်း ဖွင့်လှစ်မည်

စက်တင်ဘာလ ၁၈ရက်။ စောခါးစူးညား (ကေအိုင်စီ)
ဆယ်ကျော်သက် ကရင်ကျောင်းသားလူငယ်များအတွက် ကရင်တူရိယာအတီးအမှုတ်၊ ဒုံးအကနှင့် ပတ်သက်သည့် ရက်ရှည်သင်တန်း တခုကို လာမည့် နိုဝင်ဘာလဆန်းပိုင်းတွင် အုန်းဖျန်ဒုက္ခသည်စခန်းရှိ အထက်တန်းကျောင်းများ၌ သင်ကြားပေးသွားမည်ဟု သိရသည်။ကျောင်းသားလူငယ်များ ရိုးရာဓလေ့၊ ယဉ်ကျေးမှုကို မမေ့မပျောက်စေရန် ရည်စူး၍ အဆိုပါသင်တန်းကို အထက်တန်းကျောင်းနှစ် ကျောင်းတွင် တရက်လျှင် ၂နာရီကြာ သင်ကြားပို့ချသွားရန်ဖြစ်ပြီး
ထိုင်း-မြန်မာနယ်စပ်ရှိ ကရင်ဒုက္ခသည်စခန်းများတွင် စာကြည့်တိုက် ဖွင့်လှစ်ထားသည့် ဂျပန်အဲန်ဂျီအိုအဖွဲ့ (Shanti Volunteer Association-SVA) နှင့် စခန်းကော်မတီဝင်များက စက်တင်ဘာလ (၉)ရက်နေ့၌ အစည်းအဝေးပြုလုပ်ကာ ဆုံးဖြတ်ခဲ့ခြင်းဖြစ်သည်။၎င်းအတီးအမှုတ်သင်တန်းတွင် ပါဝင်သည့် ခန၊ မယ်ဒလင်၊ သောတူနှင့် စောင်း စသည့်တူရိယာများကို အသက် (၁၃)နှစ်နှင့်အထက် ကျောင်းသူကျောင်းသား (၃၀)ကျော်အား ဆရာလေးဦးဖြင့် သင်ကြားပို့ချမည်ဖြစ်ပြီး တချိန်တည်းတွင် ဒုံးအကသင်တန်းကို နည်းပြနှစ်ဦး နှင့် ကျောင်းသူကျောင်းသား (၂၆)ဦးကို သင်ကြားပေးသွားမည်ဟု သိရသည်။အုန်းဖျန်စခန်း အမှတ်(၂)စာကြည့်တိုက်မှူး နော်မာရီယာပေါလ်က “အခု သင်တန်းဟာ ကျမတို့ ကရင် မျိုးဆက်သစ်တွေအတွက် မဖြစ်မ နေ လိုအပ်ပါတယ်။ အင်မတန်မှလည်း အရေးကြီးပါတယ်။ အရင်ကဆိုရင် အတီးအမှုတ်နဲ့ အကတွေကို သင်ပေးတာရှိပေမယ့် တစိုက် မတ်မတ် သင်တန်းပုံစံမျိုးတော့ မတွေ့ရဘူး။ အခုတော့ သင်တန်းလို ပုံစံမျိုးဖြစ်တော့ ပိုမိုထိရောက်မယ်လို့ ကျမ ယုံကြည်တယ်”ဟု ကေ အိုင်စီကို ပြောသည်။ အတီးအမှုတ်နှင့် ပတ်သက်၍ စိတ်ဝင်စားသူကလေးများကို ယခင်က စခန်းတွင်းရှိ အမှတ်(၁)နှင့် အမှတ် (၂) စာကြည့်တိုက်တွင် တပတ် လျှင် တရက်မျှသာ အလှည့်ကျ သင်ကြားပေးခဲ့သော်လည်း ယခုဆိုလျှင် ရက်ရှည်ပုံစံမျိုးဖြင့် သင်တန်းကာလ (၃)လအထိ သတ်မှတ် သင်ကြားသွားမည်ဖြစ်ကြောင်း နော်မာရီယာပေါလ်က ဆက်ပြောသည်။ပြီးခဲ့သည့် ၂၀၀၆မှ ၂၀၀၈ခုနှစ်အထိ အုန်းဖျန်စခန်းတွင် ကရင်တူရိယာ အတီးအမှုတ်နှင့် ဒုံးအကကို သင်ကြားပေးခဲ့သော်လည်း ယခု သင်တန်းသည် ပထမဆုံးအကြိမ်ဖြစ်ပြီး သင်တန်းအတွက် လိုအပ်သည့် ကုန်ကျစရိတ်ကို အက်စ်ဗွီအေမှ ကူညီထောက်ပံ့သွားကာ စခန်း ကော်မတီဝင်များက အကောင်အထည်ဖော်သွားမည်ဖြစ်သည်။

ဖတ်ပြီးပြန်ခေါက်သိမ်းပေးခဲ့ပါ...

ကရင်လူထု ၇,၀၀၀ကျော် စားနပ်ရိက္ခာ ပြတ်လပ်မှုကြုံနေရ

စက်တင်ဘာလ ၁၄ရက်။ စောခါးစူးညား (ကေအိုင်စီ)

ကရင်ပြည်နယ်၊ ဖာပွန်ခရိုင်မှ ဘူးသိုနှင့် လူသောမြို့နယ်အတွင်းရှိ ကရင်လူထု ၇,၀၀၀ကျော်သည် ၂၀၀၉ခုနှစ် လဆန်းပိုင်းမှစ၍ ယခုအချိန်အထိ စားနပ်ရိက္ခာပြတ်လပ်မှု ပြဿနာနှင့် ရင်ဆိုင်နေရသည်ဟု သိရသည်။

အဆိုပါ ကရင်လူထုများသည် ၎င်းတို့အခြေချရာ နေရပ်ရင်းများ၌ စစ်အစိုးရတပ်များ၏ နယ်မြေစိုးမိုးရေး လှုပ်ရှားမှုကြောင့် နီးစပ်ရာ တောတွင်းသို့ မကြာခဏ ပုန်းရှောင်ပြောင်းရွှေ့နေထိုင်ခဲ့ရာမှ နေရာအတည်တကျ မရှိဘဲ မိသားစုဝမ်းစာ တောင်ယာစပါးများနှင့် ကောက်ပဲသီးနှံများ မစိုက်ပျိုးနိုင်ခြင်းအပြင် စိုက်ခင်းတွင် ပိုးကျခြင်းများကြောင့် ယခုလို ရိက္ခာပြတ်လပ်မှု ရင်ဆိုင်ကြုံတွေ့ရခြင်း ဖြစ် သည်။

“စားနပ်ရိက္ခာ ပြတ်လပ်မှုဖြစ်တာတော့ ပြီးခဲ့တဲ့နှစ်မှာ ရှိတော့ရှိတယ်။ ဒါပေမယ့် ဒီနှစ်ကတော့ ပိုများလာတယ်။ ဒီဒေသက လူထု တွေဟာ နအဖ စစ်တပ်ကို အတွေ့မခံရဲကြတဲ့သူတွေ။
စစ်တပ်က သူတို့ရွာကို ရောက်လာရင် သူတို့က ရှောင်နေလိုက်တယ်။ စစ် တပ်က စခန်းအခြေကျလို့ မပြောင်းတော့ သူတို့လည်း နေရပ်ပြန်မရတော့ဘူး။ တခါ စစ်တပ်က လှုပ်ရှားမှု ထပ်တိုးရင် သူတို့က တခြားနေရာကို ထပ်ရွှေ့။ ဒီလိုနဲ့ပဲ တောင်ယာတွေ၊ လယ်တွေကို ဖြစ်သလိုလုပ်ရတော့ စပါးက ထင်သလောက်မစားရဘူး။ နောက် စပါးပိုးကျလိုက်၊ ကြွက်ကျလိုက်နဲ့ စားနပ်ရိက္ခာက ပြတ်လပ်လာပြီး အခုနှစ်ဆို ငတ်လာရတဲ့ အခြေအနေထိ ဖြစ်လာတယ်”ဟု ကေ အဲန်ယူ ဖာပွန်ခရိုင် အတွင်းရေးမှူး ပဒိုစောထူးလယ်ဝါးက ကေအိုင်စီကို ပြောသည်။

ထိုဒေသရှိ စပါးခင်းများတွင် ကြွက်ကျမှုများမှာ နှစ်စဉ် အနည်းနှင့် အများဖြစ်တတ်သော်လည်း ကြွက်များကို ထောင်ချောက်သုံးကာ ဖျက်ဆီးသတ်ဖြတ်သော်လည်း အကောင်သေးသည့်အတွက် ထိရောက်မှုမရှိဘဲ အချို့လူထုမှာ ကြွက်သတ်ဆေးများ ကူညီပေးရန် တောင်းဆိုလာသည်အထိ စိုက်ပျိုးရေးမှာ ဆိုးရွားလာသည်ဟု သိရသည်။

“ကြွက်တွေဟာ အကောင်သေးလွန်းတော့ ထောင်ချောက်ကို တက်နင်းမိလည်း ထောင်ချောက်မထိဘူးလေ။ အဲဒီတော့ ရွာသားတွေ က ကြွက်သတ်ဆေးနဲ့ သတ်ဖို့ စဉ်းစားလာကြတယ်။ ကျနော်တို့အနေနဲ့က ကြွက်သတ်ဆေးဟာ လူတွေအတွက်လည်း အန္တရာယ် ရှိတော့ စီစဉ်ပေးဖို့ ခက်နေတယ်”ဟု စောထူးလယ်ဝါးက ဆိုသည်။

ဌာနေမဲ့ပြည်တွင်းကရင်ဒုက္ခသည်များဆိုင်ရာ ကော်မတီ (စီအိုင်ဒီကေပီ)၏ အတွင်းရေးမှူး စောစတိဗ်ကလည်း “လူထုတွေ ဒုက္ခ ရောက်တာတော့ အမှန်ပဲ။ အရင်က တရက်ဆိုရင် ဆန်ပြုတ်နှစ်ခါ သောက်ရမယ့်အစား အခုတခါလောက်ပဲ သောက်ရတာတော့ ရှိတယ်။ ဒါပေမယ့် ငတ်တဲ့အဆင့်လောက်တော့ မရှိသေးဘူးပေါ့နော်။ ဘာဖြစ်လဲဆိုတော့ ကျနော်တို့အဖွဲ့တွေ တတ်နိုင်သလောက် သူတို့ကို သွားရောက်ကူညီပေးမှုတွေ ရှိတယ်။ နောက် သူတို့အချင်းချင်းကလည်း ရှိတဲ့ဆန်နဲ့ အခြားစားစရာကို မလောက်မငှ ခွဲဝေ စားသောက်ကြရတယ်”ဟု ပြောသည်။

စီအိုင်ဒီကေပီအနေဖြင့် ယခု စားနပ်ရိက္ခာပြဿနာနှင့် ရင်ဆိုင်နေသော ဘူးသိုနှင့် လူသောမြို့နယ်မှ ဒုက္ခရောက် ကရင်ပြည်သူများ အတွက် နိုင်ငံတကာရောက် ကရင်များနှင့် အခြားလူသားစာနာထောက်ထားသည့် နိုင်ငံတကာမှ အဖွဲ့အစည်းများထံ တင်ပြတောင်း ဆိုကာ ဆက်လက်ကူညီပေးသွားမည်ဖြစ်ကြောင်း စောစတိဗ်က ဆက်ပြောသည်။

စစ်တပ်မရောက်နိုင်သည့် ဖါပွန်နယ်စပါးခင်း (ပုံ-ကေအိုင်စီ)

ဖာပွန်ခရိုင်ရှိ ဘူးသိုနှင့် လူသောမြို့နယ်တွင် ရွာပေါင်း ၂၆၄ရွာရှိပြီး လွန်ခဲ့သည့် ၁၉၉၇ ခုနှစ်မှစ၍ အဆိုပါဒေသရှိ ကွင်းနယ်မြေဒေသ ရှိ လူထုများ နေထိုင်ရာသို့ နအဖ စစ်တပ်များ ၀င်ရောက်နေရာယူသည့်အတွက် ပြည်သူများ ကစဥ့်ကလျားဖြစ်ကာ ယခုအချိန်ထိ အတည်တကျ နေထိုင်နိုင်ခြင်းမရှိဘဲ ရွှေ့ပြောင်းနေထိုင်နေရသည်။

လက်ရှိအချိန်တွင် ဘူးသိုမြို့နယ်၌ ဖာပွန်စခန်းထိုင် နအဖ တပ်ရင်း (၆)ရင်းနှင့် လူသောမြို့နယ်တွင် စစ်ကွပ်ကဲရေးဌာနချုပ်(၃) နည်း ဗျူဟာ အမှတ်(၁)နှင့် (၃) လက်အောက်ခံ တပ်ရင်း (၈)ရင်းတို့ အခြေစိုက် လှုပ်ရှားလျှက်ရှိသည်။

ဖတ်ပြီးပြန်ခေါက်သိမ်းပေးခဲ့ပါ...

ဗိုလ်ျမှူးကြီး စောချစ်သူ ထုတ်ပြန်ကြေငြာချက်

ဗိုလ်ျမှူးကြီး စောချစ်သူ ထုတ်ပြန်ကြေငြာချက် နှင့် ရန်သူစစ်ကြောမေးမြန်းချက်အကျဉ်းများကို ဖတ်ရန်အောက်ပါလင့်များကိုနှိပ်ပြီးဖတ်ရှု.နိုင်ပါပြီခင်ဗျာ။
(ဗိုလ်ျမှူးကြီး စောချစ်သူ ထုတ်ပြန်ကြေငြာချက် ဖတ်ရန်ဒီမှာနှိပ်ပါ)
(ရန်သူစစ်ဆေး မေးမြန်းချက်အကျဉ်း ဖတ်ရန်ဒီမှာနှိပ်ပါ)

ဒေါနမြေနှင့်သောသီခိုမှကူးယူဖော်ပြပါသည်။

ဖတ်ပြီးပြန်ခေါက်သိမ်းပေးခဲ့ပါ...