ဇွဲကပင်တောင်ခြေက ရာဇ၀င်စဉ့်အိုးကြီး

ဇွဲကပင်တောင်ခြေက ရာဇ၀င်စဉ့်အိုးကြီး
ရှေးအခါက လူငယ်ခုနှစ်ယောက်တို့သည် ပင်လယ်ရပ်ခြားသို့ ကူးသန်းရောင်းဝယ်ရန် ထွက်သွားသည်။ ထွက်သွားသောအခါ ခြောက်ယောက်သော လူငယ်များသည် လူကြီးများကိုခေါ်သွားရန် အလိုမရှိပါ။ ထို့ကြောင့် ''လူကြီးမပါလျှင် မဖြစ်ဘူး'' ဟုယုံကြည်သော လူငယ်တစ်ယောက်က သူ၏ဖခင်ကြီးကို စဉ့်အိုးကြီးထဲ ထည့်သွားပါသည်။ ခရီးနှင်ကြသောအခါ ပင်လယ်ကြီးအလယ် အလွန်ပြင်းထန်သော ၀ဲဂယက်ထဲ ရောက်သွားကြပါသည်။ ကုန်စည်အပြည့်ရှိသောသင်္ဘောသည် မြုပ်လုမတတ်ဖြစ်သောအခါ "ဘယ်လိုလုပ်ကြမလဲ၊ အကြံပေးရန် အတွေ့အကြုံရှိသော လူကြီးလည်းပါမလာဘူး" လို့ပြောကြသောအခါ လူငယ်တစ်ယောက်က "ငါ့အဖေပါလာတယ်" "ဘယ်မှာလဲ နင့်အဖေစဉ့်အိုးကြီးထဲမှာ အကြံဉာဏ်တောင်းပါဦး"

ထိုအခါလူကြီးသည် စဉ့်အိုးကြီးထဲမှထွက်လာ၍ အကြံဉာဏ်ပေးပါသည်။ အကြံပေးသည့်အတိုင်း သင်္ဘောထဲကနွားတစ်ကောင်ကိုယူ၍ ကြိုးကြီးတစ်ချောင်းနှင့် တစ်ဘက်ကိုနွားလည်ပင်းချည်ထား၊ ထိုကြိုးတစ်ဘက်ကိုတော့ သင်္ဘောနှင့်ချည်ထားလေသည်။ ထို့နောက်နွားကိုပင်လယ်ထဲချလိုက်သည်။ ထိုအခါ ငါးကြီးတစ်ကောင်က နွားကိုဆွဲသွားသောအခါ သင်္ဘောသည် ၀ဲထဲမှလွန်သွားလေသည်။ ဤအချင်းအရာကိုကြည့်ချင်းအားဖြင့် အတွေ့အကြုံရှိသော လူကြီး၏စကားကို အစဉ်နားထောင်ရန်လိုအပ်သည်ဟု နားလည်ကြသည်။
စဉ့်အိုးကြီးထဲကလူကြီး သို့မဟုတ် စဉ့်အိုးကြီးလို့ဆိုကြသောအခါ လူကြီးစကားနားထောင်ရမည်ဟု သဘောပေါက်ခံယူကြသည်။ ထို့ကြောင့် မော်စရီး (စဉ့်အိုးအဖွဲ့) ဟုပြောသောအခါ လူငယ်တို့စုပေါင်းကြ၍ ရှေးလူကြီးဘာပြောဆိုခဲ့သည်များကို ထုတ်ဖော်ပြောဆို ဆွေးနွေးလိုက်နာဖို့ရန် စုဝေးကြသောအဖွဲ့ ဖြစ်ပါသည်။

မော်စရီးအိမ်ငယ်လေး

လွန်ခဲ့သော အနှစ်သုံးဆယ်ကျော်လောက်က ဇွဲကပင်တောင်ခြေရင်းတစ်နေရာမှာ ကရင်မျိုးနွယ်စုများထဲမှ လဲကယ်၊ တလာခုံး၊ ဒူဝေ၊ ဗုဒ္ဓဘာသာ၊ ခရစ်ယာန်ဘာသာဝင်တို့သည် စုပေါင်း၍ တဲကလေးတစ်လုံးဆောက်ထားကြပြီး တစ်လတစ်ကြိမ်၊ လဆန်း ၉-၁၀ ရက်မှာထိုအိမ်၌ တွေ့ဆုံမိတ်သဟာယဖွဲ့လျက် ရှေးလူကြီးသူမတို့၏စကား၊ ပုံပြင်များ၊ ဆုံးမသြ၀ါဒများကိုဖော်ထုတ်ကြ၍ ဘယ်ကဲ့သို့ဆက်လက်အသက်ရှင်ကြမည့်အကြောင်းကို တိုင်ပင်ဆွေးနွေးကြပါသည်။ ယင်းအလေ့အထကို ယခုထက်တိုင် လုပ်ဆောင်လျက်ရှိပြီး ''ချည်ဖြူဖွဲ့မင်္ဂလာ ပွဲတော်" ကို နှစ်စဉ်ကျင်းပလျက် ဘာသာအားလုံး လာရောက်ဆင်နွှဲကြပါသည်။
ယခုအချိန် မော်စရီးတဲငယ်လေးနေရာတွင် လူတစ်ထောင်ကျော်ဆန့်သော ဓမ္မာရုံ (Hall ) တစ်ခုရှိနေပြီ။ ဇွဲကပင်တောင်ခြေက လူတစ်ထောင်ကျော်ဆံ့သော စဉ့်အိုးကြီးတစ်လုံးရှိနေပြီဟုဆိုပါလျှင် ကြွားဝါခြင်းသက်သက်မဟုတ်ပဲ တကယ်အဟုတ်ဖြစ်နေပြီ မဟုတ်ပါလား....။