ကရင်စစ်ပြေးဒုက္ခသည်များအား စခန်းရွှေ့ပြောင်းရန်စီစဉ်

NEJ / ၈ ဇူလိုင် ၂၀၀၉
line


လာမည့်သုံးရက်အတွင်း နောင်ဘိုးဘုန်းကြီးကျောင်းတွင် ယာယီခိုလှုံနေသည့် ကရင်စစ်ပြေးဒုက္ခသည် (၁,၃၅၅) ဦးသည် နောင်ဘိုးရွာတောင်ခြေသို့ ပြောင်းရွှေ့နေထိုင်ကြရမည်ဖြစ်သည်။

အဆိုပါနေရာသည် ထိုင်းအာဏာပိုင်များက သဘောတူခွင့်ပြုသည့် ဧက (၃၀) ခန့်စီရှိ မြေနေရာနှစ်ခုဖြစ်ပြီး ဒုက္ခသည်များကို နောင်ဘိုးကျေးရွာ ရွာသူကြီးနှင့် အစိုးရမဟုတ်သောအဖွဲ့များ၏အစီအစဉ်ဖြင့် ပြောင်းရွှေ့ပေးမည်ဖြစ်သည်။

နောင်ဘိုးဘုန်းကြီးကျောင်းမှ ဒုက္ခသည်များကို ကူညီမှုပေးနေသည့် လယ်ပေါ်ဟဲ ဒုက္ခသည်စခန်းဥက္ကဋ္ဌ စောတာဆူးညားက “အခြေအနေအရ ဟိုဘက်ပြန်ဖို့ မရဲသေးဘူး။ အခု နောင်ဘိုးတောင်ခြေမှာ ဧက (၃၀) မြေနေရာ (၂) ခုမှာ အားလုံးလာပြီး ပေါင်းနေဖို့ စီစဉ်နေတယ်” ဟု ခေတ်ပြိုင်သို့ ပြောသည်။

ယခင်က ထိုင်းအာဏာပိုင်များ၊ ယူအန်အိတ်ခ်ျစီအာ၊ တီဘီဘီစီ၊ ကေအာစီ၊ အိုင်အာစီနှင့် အခြား အစိုးရမဟုတ်သည့် အဖွဲ့အစည်းများ သဘောတူထားသည့် ထီးနိုခို့နေရာကို ထိုင်းအာဏာပိုင်များက လုံခြုံရေးအကြောင်းပြချက်ဖြင့် ပယ်ဖျက်ခဲ့သည်။
ဒုက္ခသည်အရေးဆောင်ရွက်နေသည့် အင်ဂျီအိုတခုမှ ဝန်ထမ်းတဦးက “လုံခြုံရေးကိုအကြောင်းပြပြီးပြောတယ်။ ကျနော်ထင်တယ် ၊ ထိုင်းနယ်စပ်မှာ ဒုက္ခသည်စခန်းတခု ထပ်တိုးလာမှာကို စိုးရိမ်တာလည်း ဖြစ်နိုင်တယ်။ လက်ရှိဒုက္ခသည်တွေက တကယ်စစ်ပြေး ဒုက္ခသည်တွေပါ။ အခုလိုအခြေအနေမျိုးမှာ ကိုယ့်ရပ်ရွာပြန်ရင် အန္တရာယ်တွေနဲ့ ကြုံတွေ့ရမှာ ဖြစ်တယ်။ ဒါကြောင့် သူတို့အတွက် ကို စဉ်းစားစေချင်တယ်” ဟု ပြောသည်။

ဒုက္ခသည်တဦးဖြစ်သူ စောတကော်က “ပြန်လို့ရရင် ငါတို့ပြန်တာကြာပြီ။ အခုပြန်ရင် သေလမ်းကို ပြန်တာနဲ့အတူတူပဲ။ ဒါကြောင့် ဒီမှာလာခိုနေရတာပါ” ဟု ပြောသည်။

ကရင်ဒုက္ခသည်ကော်မတီဥက္ကဋ္ဌ စောရောဘတ်ထွေးက “အခုအခြေအနေအရဆိုရင် နောင်ဘိုး၊ အူးသူးထ၊ မဲ့စလေ၊
ဒီယာယီစခန်း (၃) ခုက စစ်ပြေးဒုက္ခသည် (၄,၀၀၀) လောက်ဟာ အခုယာယီစခန်းဖြစ်တဲ့ နောင်ဘိုးရွာတောင်ခြေနေရာမှာ အားလုံးသွားပြီး စုနေရမယ့်သဘောဖြစ်တယ်။ ဒီကိစ္စကို ကျနော်တို့ စီစဉ်ဆောင်ရွက်နေတုံးပဲ။ လာမယ့်အပတ်လောက်
ကျရင်တော့ အခြေအနေကို သိရမယ်” ဟု ပြောသည်။

ပြီးခဲ့သည့် တနင်္လာနေ့ကလည်း ဒုက္ခသည်များနှင့် ရွှေ့ပြောင်းကူးဝင်လာသူများဆိုင်ရာ အမေရိကန်ကော်မတီ US Committee for Refugees and Immigrants အဖွဲ့၏ ထိုင်းနိုင်ငံဆိုင်ရာသံတမန် မစ္စစိုဖန်းနီကျုံးကျင်ထနာကန်နှင့်အဖွဲ့သည် နောင်ဘိုး ဘုန်းကြီးကျောင်းတွင် ခိုလှုံနေကြသည့် ဒုက္ခသည်များနှင့် တွေ့ဆုံပြီး လူသုံးကုန်၊ စားသောက်ကုန်များ ပေးအပ်ခဲ့သည်။

၎င်းက ကရင်စစ်ပြေးဒုက္ခသည်များအား ရှေ့ဆက်အကူအညီများ ပေးသွားရန် အစီအစဉ်များ ရှိသည်ဟု ပြောကြားခဲ့သည်။

ယခင်လ (၂) ရက်နေ့မှ စတင်၍ နအဖနှင့် ဒီကေဘီအေ ပူးပေါင်းတပ်ဖွဲ့များသည် ကရင်အမျိုးသားလွတ်မြောက်ရေးတပ်မတော် တပ်မဟာ (၇) ဘားအံခရိုင်ဒေသကို အလုံးအရင်းဖြင့် တလနီးပါးခန့် ထိုးစစ်ဆင်သည့် ဂယက်ကြောင့် လှိုင်းဘွဲ့နှင့် ပိုင်ကျုံမြို့နယ်အတွင်းရှိ ကျေးရွာများမှ ရွာသား (၄,၀၀၀) ခန့်သည် ထိုင်းနိုင်ငံ တာ့ခ်ခရိုင် ထာ့ဆောင်ယန်းမြို့နယ်အတွင်း ထွက်ပြေးခိုလှုံနေကြသည်။

၎င်းတို့ကို ထိုင်းအာဏာပိုင်များက ထာ့ဆောင်ယန်းမြို့နယ်အတွင်းရှိ နောင်ဘိုး၊ အူးသူးထ၊ မဲ့စလေ စသည့် နေရာ (၃) ခုတွင် ယာယီလက်ခံစောင့်ရှောက်ထားပြီး နယ်မြေအေးချမ်းမှသာ နေရပ်ပြန်ပို့မည်ဖြစ်ပြီး အတင်းအဓမ္မပြန်ပို့မည်မဟုတ်ကြောင်း ပြောကြားခဲ့သည်။


ခေတ်ပြိုင်မှကူးယူဖော်ပြသည်။