စစ်ပြေးကရင်ပြည်သူများအတွက်အီးယူစိုးရိမ်

မြန်မာစစ်အစိုးရနှင့် ဒီကေဘီအေ ပူးပေါင်းတပ်ဖွဲ့တို့က ကရင်အမျိုးသားလွတ်မြောက်ရေးတပ်မတော် (ကေအန်အယ်လ်အေ) တပ်စခန်းများသို့ တိုးမြှင့်တိုက်ခိုက်နေသောကြောင့် တိုက်ပွဲဖြစ်ပွားရာဒေသမှ ပြည်သူ အမြောက်အမြား ထွက်ပြေးတိမ်းရှောင်နေရသည်ကို အထူးစိုးရိမ်ပူပန်မိကြောင်း ဥရောပသမဂ္ဂ (အီးယူ)မှ ကြေညာချက်ထုတ်ပြန် ပြောကြားလိုက်သည်။

ကြေညာချက်ကို အီးယူ၏ အလှည့်ကျ ဥက္ကဋ္ဌဖြစ်သည့် ချက်သမ္မတနိုင်ငံက ယမန်နေ့၌ ထုတ်ပြန်ခြင်းဖြစ်သည်။

ယင်းကြေညာချက်တွင် အီးယူအဖွဲ့က သက်ဆိုင်ရာအာဏာပိုင်များနှင့် စစ်ဖက်ဆိုင်ရာအရာရှိများကို အမြန်ဆုံး အပစ်အခတ် ရပ်စဲရန် တောင်းဆိုလိုက်ပြီး ပြည်သူများအပေါ် နိုင်ငံတကာလူ့အခွင့်အရေး ဥပဒေများနှင့်အညီ လုပ်ဆောင်သွားရန်လိုအပ်ကြောင်း ထည့်သွင်းပြောကြားထားသည်။

တိုင်းရင်းသားလူမျိုးစုများအပေါ် အာဏာပိုင်များက စစ်ရေးနည်းဖြင့် ဖြေရှင်းခြင်းကို ရှောင်ကျဉ်သင့်ပြီး ယင်းသို့ဖြေရှင်းခြင်းသည် ဒေသတွင်း မတည်ငြိမ်မှုနှင့် ရေရှည်စိတ်ဝမ်းကွဲပြားမှု၊ မုန်းတီးမှုတို့ကို ဖြစ်ပေါ်စေသည် ဟုလည်း အီးယူဥက္ကဋ္ဌ၏ ကြေညာချက်တွင် ဖော်ပြထားသည်။

ခေတ်ပြိုင်မှကူးယူဖော်ပြသည်။